[A:197]bod du spyan 'drong bar gzigs so/ /de nas rgyal po de 'jig rten las khyad du 'phags shing / thugs bsgoms pas rmi lam du byung ba ltar mdzad de/ nangs par blon po thams cad rgyal po'i drung du phyag byed du byung ste/ btsan po'i sku la bsnyung mi mnga' lags sam/ sku zo mdog legs sam/ thugs bde ba dang ldan pa lags sam zhes mgrin gcig tu zhus pas/ shin tu'ang bde ba dang ldan te/ mdang nga'i rmi lam du nub phyogs nas bal rje'i sras mo bu mo mdzes ma zhig dang / shar phyogs nas rgya rje'i sras mo bu mo mdzes ma zh-ig dang / 'di gnyis nga'i khab tu byung ba rmis so gsungs pas/ blon po mgar na re/ rgyal po'i mnal lam du byung ba'i lha gcig de gnyis nged blon po rnams kyis spyan ci 'drong byed pas/ mnal lam de gzhan la mi gsung bar zhu zhus so/ /de nas blon po mgar na re/ nged rang phyi nang bar gsum gyi blon po/ gtso bo mi drug gi 'tshogs rten gyi zas chang / sha gzugs re dang bcas pa khyer la/ sang snga bar brag lha'i ne'u thang la/ ljon shing star ga sdong po'i rtsa rgyal po'i khri'i drung du 'tshogs shig ces smras so/ /de'i sang blon po gtso bo drug po 'tshogs pas/ 'tshogs rten gyi sha gzugs drug byung ba/ gnyis la rkang pa re/ gnyis la lag pa re/ gcig la brang so/ gcig la dal mo rnams byung ba bsgrigs pas/ sha khog ma nyams pa zh-ig byung ba dang / thon mi na re/ rten 'brel legs/ da lan gyi 'dun gros 'di la gros ma byas par blo mthun par byung bas/ gang bsam thams cad 'grub par 'dug 'dun ma rgya ma chung zhig zer ro/ /mgar na re/ 'dun ma rgya mi chung bar byed do/ /nged rang tsho'i rje 'dis dgung lo bcu drug bzhes/ gzhan du mi rung