[A:198]bas rgyal srid 'dzin pa la bal yul na/ bal rje sras mo mdzes ma zh-ig yod par 'dug pa de dang / rgya nag gi rgyal po la sras mo mdzes ma zh-ig yod pa de gnyis 'dir btsun mo la spyan 'dren pa yin no zhes smras pas/ thams cad kyis legs so zhes kha mthun par byas so/ /de nas mgar gyis rgyal po'i drung du phyin nas/ snga sor bal yul gyi lha gcig de spyan 'dren pas/ bka' gnang bar zhu byas pas/ rgyal pos gser gyi dong rtse lnga bskur nas/ 'dis zhu rten gyis shig gsung ngo / /rin po che baiDUrya'i rmog la/ padma rA ga'i phra rgyab pa zhig bskur nas/ 'di lha gcig de'i rin du phul cig gsung ngo / /rgyal po des bka' lung mi 'dra ba gsum btud mar gsungs 'ong gis/ de'i dus su 'di gsum ma nor bar re re bzhin du phul cig gsungs nas/ bka' shog gi sgrom bu gsum bskur/ 'phral gyi zas gos rgyan la sogs pa bskur te/ rta dang drel/ rnga mo la sogs kyi khal mang po brdzangs so/ /lam 'phrang gang du'ang / jo mo khro gnyer can la gsol ba 'debs kyin song zhig gsung ngo / /de nas blon po mgar gyis rje la phyag byas te/ rdzong dang yo byad rnams khyer/ khal rnams ded nas/ blon po rta pa brgya tham pa bal yul du chas so/ /der bal yul rin po che'i gling / grong khyer kho bom klu'i pho brang / rgyal po de ba lha bzhugs pa'i sgo drung du slebs so/ /der rgyal po'i drung du zhu ba btang ste mjal ba la/ gser gyi dong rtse lnga po zhu rten du phul/ rin po che baiDUrya'i rmog la/ padma rA ga'i phra btab pa de rgyal po'i drung du bzhag nas/ mgar na re/ rgyal po chen po/ rin po che baiDUrya'i rmog 'di/ yon tan dpag tu med pa dang ldan te/ mi nad phyugs nad byung ba'i dus su rmog 'di