[A:199]gon nas grong khyer gyi mtha' bskor na mi nad phyugs nad thams cad chad/ sad ser byung daugs pa'i dus su 'di gon nas zhing rnams mtha' bskor na sad dang ser ba thub/ 'khrug pa byed pa'i dus su 'di gon nas 'thab na g.yul las rgyal bar 'gyur ro/ /'dzam bu'i gling na rmog 'di las lhag pa'i nor med pas/ gong thang dpyad kyis mi chod/ 'di lha gcig de'i rin du 'bul lo/ khyed kyi lha gcig mdzangs ma de/ nged bod kyi rgyal po'i btsun mo la bka' gnang bar zhu byas pas/ rgyal po'i zhal nas/ khyed bod kyi rgyal po de snying gdon gyis bslus sam/ sems 'khrul pa zhig 'dug nga ni sangs rgyas 'od srungs nas deng sang phan chod la rgyal brgyud ma chad pa yin/ khyod dang gnyen zla min te/ 'on kyang khyod sa thag ring nas sleb 'dug pa/ khyod rang gi yul du log la/ khyod kyi rgyal po de la/ chos dge ba bcu dang bstun pa'i rgyal khrims 'cha' nus sam mi nus dris shog de nus na lha gcig ster/ mi nus na mi ster gsung ngo / /der mgar gyis bka' shog gi sgrom bu gsum yod pa'i dang po de/ rgyal po'i phyag tu phul bas/ de kha phyes nas gzigs pas/ mthing shog la gser gyis bris pa/ bal po'i yi ger 'dug pa 'di ltar ro/ khyed bal po'i rgyal po la dge ba bcu'i khrims yod/ nga bod mtha' 'khob kyi rgyal po la de bzhin med de/ rgyal po khyod khrims yod pa la dga' nas bu mo ster na/ ngas sku lus kyi sprul pa lnga stong du sprul nas/ dge ba bcu dang ldan pa'i khrims snga dro zhig la 'cha' nus par byed do| |de ngo mtshar mi che'am/ de ltar byas kyang bu mo mi ster na/ ngas sprul pa'i dmag khri phrag lnga btang nas/ khyod gsod/ lha gcig phrogs/ grong khyer thams