[A:201]pas gzigs par zhu byas pas/ de rgyal pos kha phyes nas gzigs pas 'di ltar ro/ khyed bal po'i rgyal po la longs spyod yod/ nga bod mtha' 'khob kyi rgyal po la de bzhin med de/ rgyal po khyed nor longs spyod yod pa la dga' nas bu mo ster na/ ngas sku lus kyi bkod pa lnga stong du sprul nas/ rin po che/ gser/ dngul/ dar zab gos dang rgyan/ bza' btung la sogs kyi longs spyod dpag tu med pa byed cing / khyad par phyogs bzhi nas las sgo phye ste/ mtha'i nor thams cad nga'i sgo drung du 'ong zhing / longs spyod dang ldan par byed do/ /de ngo mtshar mi che'am/ de ltar byas kyang bu mo mi ster na/ sprul pa'i dmag khri phrag lnga der btang nas/ khyod bsad/ lha gcig phrogs/ grong khyer thams cad bcom la bzhag go bya ba 'dug pas/ rgyal po de'i thugs la rgyal po smra ba lan cig yin pa| de bzhin du bden srid snyam nas/ shin tu thugs ma bde bar lha gcig bod la brdzangs par dam bcas te/ zhal ngo nag par bzhugs pa dang / lha gcig na re| yab ci nyes zhus pa dang / yab rgyal po'i zhal nas/ khyod bod rgyal po'i btsun mo la 'gro dgos par 'dug gsungs pas/ lha gcig na re/ yul ngan pa chos dang longs spyod med pa pha ma dang mi 'phrad pa'i sa thag ring sa der mi 'gro zer bas/ yab rgyal po'i zhal nas/ khyod de skad ma zer 'gro dgos/ bod kyi rgyal po de sprul pa'i rgyal po mngon shes rdzu 'phrul stobs dang ldan pa zhig yod par 'dug ngas ji skad smras kyang / blon po des yul du ma phyin par yi ger lan yod gin 'dug pa khyod mi 'gro ba de shes nas/ sprul pa'i dmag khri phrag lnga 'ong ste/ nga bsad/ khyod phrogs/ yul khams grong khyer thams cad 'joms