[A:205]chas so/ /bal po'i blon po 'khor g.yog rnams kyis mang yul gyi grong bar du skyel thung byas so/ /brag dang chu 'thab pa'i 'phrang la khal rnams phog rin po che rnams phreng skyed byas/ lha rnams zhabs thang du byon kyang zer/ de nas drel dang / rnga mo/ glang po che sogs la khal bkal/ lha rnams rang rang gi khal la chibs nas byon te/ bod kyi yul du chags phebs so/ /der bod blon dang bod 'bangs rnams kyis rol mo du ma thogs te/ bsu ba rgya chen po byas so/ /de nas rgyal pos dga' ston gyi gdan sar byon te/ lha gcig khri btsun dang mjal ba la mthong lugs gsum du byung ste/ phyogs bcu'i de bzhin gshegs pa rnams kyi snang ba la/ rgyal po dang btsun mo gnyis mdzad pa bcu gnyis kyi tshul gyis sems can gyi don byed pa'i snang ba byung ngo / /sa bcu'i byang chub sems dpa' rnams kyi snang ba la/ 'phags pa spyan ras gzigs rgyal po srong btsan sgam po'i sku sprul/ jo mo khro gnyer can bal mo bza' khri btsun du sku sprul nas/ sems can gyi don byed pa'i snang ba byung ngo / /mi nag tha mal pa rnams kyi snang ba la/ rgyal po dang btsun mo gnyis skyems la gsol res byed pa dang / skud pa 'khel res byed pa'i snang ba byung ngo / /de nas rgyal po dang btsun mo gnyis blon po'i tshogs dang bcas pa pho brang du bzhugs pa la/ rgyal po ni yi dam lha'i drung nas phyir mi 'byon par/ mchod pa 'bul zhing smon lam 'debs so/ /der lha gcig khri btsun gyi thugs kyi dgongs pa la/ rgyal po 'di rigs gzugs dpal gyis mdzes shing / yon tan du ma dang ldan pa zhig 'dug pa la/ phyi rol du ye mi 'byon pa 'di/ mtha'i dmag la 'jig pa yin thag chod/ de la mi