[A:204]gis brdzangs/ /tsandan jo mo sgrol ma rang byon 'di/ /'jigs pa brgyad sogs bar du gcod pa rnams/ /nye bar zhi nas dge legs rgyas pa'i phyir/ /mdzes pa'i bu mo khyod la bdag gis brdzangs/ /rin chen stag sha de dang ratna de/ / dbul phongs sdug bsngal sel phyir khyod la bskur/ /rin chen dgos 'dod 'byung ba'i longs spyod gter/ /baiDUrya yi lhung bzed chen po 'di/ /zas skom bdud rtsi'i char pa 'bebs pa dang / /bkres skom sdug bsngal sel phyir khyod la bskur/ /rin chen gser dngul dar zab rgyan dang bcas/ /glang chen rnga mo drel dang bcas pa'i khal/ /gzhan yang mkho ba'i yo byad zad gos rnams/ /gang la ci 'dod bu mo khyod la bskur/ /rigs bzang yid 'ong mdzes pa'i bu mo bcu/ khyod kyi skyo grogs byed pa'i 'khor du brdzangs/ /e ma 'bral bar mi phod bu mo khyod/ /gtam gyi rting ma yin no yid la chongs/ kha ba can gyi rgyal po'i pho brang der/ /blon po bod 'bangs rnams dang 'grogs pa'i dus/ khyod kyi spyod lam bya ba 'di bzhin gyis/ /gsungs te/ 'jig rten mi chos la dgos pa'i bslab bya dpag tu med pa mdzad do/ /de nas rgyal pos blon po rnams la gnang sbyin dang / dga' ston bsam gyis mi khyab pa mdzad do/ /jo bo dang byams mgon gnyis ni shing rta byas na lam bgrod par dka' bas/ khal gyi steng du bzhugs par 'dod pa la/ gang gis kyang ma khyog nas/ sprul pa'i mdzo mo dkar mo gnyis kyis khyog par gyur nas/ jo bo dang / byams mgon gnyis mdzo mo re'i steng du bzhugs/ rin po che'i khal du ma dang bcas/ lha gcig khri btsun kyang dre'u dkar mo gcig la chibs/ mdzes ma'i bu mo bcu/ bod blon dang bcas pas bskor te bod du