[A:124]ma'i bu bzang len/ bdud rtsi ma'i bu dge 'phel lo/ /rgyal po zas gtsang ma'i sras bcom ldan 'das dang / gcung dga' bo gnyis/ zas dkar gyi sras gsal rgyal dang / bzang ldan gnyis/ bre bo zas la ming can dang / ma 'gag pa gnyis/ tshad med zas la kun dga' bo dang / lhas byin gnyis yin no/ / bcom ldan 'das la sras sgra gcan 'dzin 'khrungs te/ mang pos bkur ba nas sgra gcan 'dzin gyi bar la/ rgyal rabs sa ya gcig dang 'bum khri lnga brgya byung bar 'dul ba na bshad do/ /bcom ldan 'das ni dang por byang chub mchog tu thugs bskyed/ bar du bskal pa grangs med gsum du tshogs bsags/ tha ma nges pa'i don du 'og min du sangs rgyas/ drang ba'i don la dga' ldan lha'i yul du lha'i bu dam pa tog dkar por gyur pa'i tshe/ rtsod ldan gyi mtha' 'dzam bu gling pa tshe lo brgya pa'i dus su/ sems can rnams 'dul ba'i dus la bab par mkhyen nas/ dga' ldan du rje btsun byams pa mgon po rgyal tshab dam par bzhag ste/ grong khyer dang / yab yum gyi rigs la gzigs/ glang chen gyi tshul du lha las babs te/ rgyal po'i khab tu yab rgyal po zas gtsang ma/ yum sgyu 'phrul ma'i lhums su/ bkra shis pa'i dge mtshan du ma dang bcas te zhugs so// der zla ba bcu lon pa na lumbi nI'i tshal gyi byang chub kyi shing gi drung du yum gso sbyong la gnas pa'i dus/ mngal gyi dri mas ma gos par dpyid zla tha chung gi tshes brgyad/ skar ma rgyal la yum gyi mchan khung g.yas pa'i rtsib ma'i bar nas 'khrungs so/ /de'i tshe tshangs pa dang brgya byin gyis kA shi ka'i ras kyis blangs/ dga' bo dang / nye dga' gnyis kyis sku khrus gsol lo/ /de'i tshe sras kyis