[A:123]te| phu bo gau ta ma gsal shing gi rtse la bskyon te bkrongs pa las/ 'bangs rnams kyis gsol ba btab pas/ gau ta mas
sngon gyi las dbang gis ma nyes pa'i skyon phog slob dpon bram ze mdog nag gi bden tshig gis gau ta ma'i sa bon zag pas sgo nga gnyis su gyur/ gau ta ma'i bden tshig gis slob dpon gser mdog tu gyur/
gdan khar sa bon zag pa la sgo nga gnyis su gyur te/ sgo nga gnyis po bu ram shing lo'i gseb tu bzhag pas/ ring zhig na khye'u gnyis su gyur nas/ gcig gi ming nyi ma'i gnyen/ gcig gi ming bu ram shing par btags so/ /nyi ma'i gnyen la'ang sras med/ bu ram shing pas rgyal po byas pas/ sras mang po byung ste/ bu ram shing pa'i brgyud ces yongs su grags te gang bar gyur to/ /de rnams kyi che brgyud rim par ded pa'i rgyal brgyud brgya tham pa na rgyal po 'phags skyes po byung ste/ de la bu gsum/ bu mo gsum byung ba/ chu bo skal ldan shing rta'i 'gram du ming sring lhan du bsdad/ 'brel ba las brgyud 'phel te/ shAkya'i brgyud ces grags nas gang bar 'gyur ro| |de rnams kyi che brgyud rim pa bzhin ded pa'i rgyal rabs lnga bcu na/ rgyal po shing rta bcu pa bya ba byung / de la bu gsum byung ba/ shAkya chen po/ shAkya li tsA byi| shAkya ri brag pa'o/ /de'i che brgyud shAkya chen po nas rim pa bzhin ded pa'i rgyal rabs nyi shu rtsa lnga la rgyal po rtsibs kyi mu khyud/ de'i sras rgyal po mtha' yas skyongs/ de'i sras rgyal po gzhu brtan/ de'i sras rgyal po seng ge mgram/ de la sras bzhi byung ba rgyal po zas gtsang ma/ zas dkar/ bre bo zas/ tshad med zas dang bzhi'o/ /bu mo gtsang ma dang / dkar mo dang / bre bo ma dang / bdud rtsi ma'o/ /gtsang ma'i bu legs par rab sad/ dkar mo'i bu phreng ba can/ bre bo