[A:125]gom pa bdun bor bas me tog padma bdun du gyur pa la/ bstod pa dang po la/ gang tshe rkang gnyis gtso bo khyed bltams tshe/ /sa chen 'di la gom pa bdun bor nas/ /nga ni 'jig rten 'di na mchog ces gsungs/ /de'i tshe mkhas pa khyed la phyag 'tshal lo/ /zhes bstod nas/ sru skye rgu'i bdag mo la sogs pa ma ma sum cu rtsa gnyis la gtad nas bskyed bsrings so/ /de nas rgyal bu cher skyes nas yi ge dang rtsis la sogs pa rig pa'i gnas lnga la mkhas shing / stobs dang sgyu rtsal gyis lhas byin la sogs pa'i skye bo dregs pa can thams cad tshar bcad nas/ 'gran zla dang bral bar mdzad do/ /de nas sa 'tsho ma dang / grags 'dzin ma la sogs pa btsun mo brgyad khri bzhi stong khab tu bzhes nas/ lo nyi shu rtsa dgur rgyal srid kyi bya ba mdzad do/ /de nas 'khor ba'i bya ba la snying po med par dgongs shing / grong khyer ser skya'i phyogs bzhi na rga na 'chi ba'i sdug bsngal bzod brlag med pa rnams gzigs nas/ rab tu byung bar bzhed pa la/ yab yum gyis ma gnang bar rgyal chen bzhis steng gi nam mkha' la gdan drangs te/ mchod rten rnam dag gi drung du byon nas/ rang gi dbu skra rang gis bcad de rab tu byung bar mdzad do/ /de nas chu bo nai rAnydza na la sogs pa'i drung du lo drug gam bdun du dka' ba spyad de/ bsam gtan mthar phyin par mdzad do| |de nas wA rA Na sI dang / drang srong lhung ba'i ri nags kyi khrod rnams su/ 'khor lnga sde bzang po la sogs pa theg pa dman pa'i gdul byar bden pa bzhi'i chos kyi 'khor lo bskor/ de nas bya rgod phung po'i ri la sogs par byang chub sems dpa' bye ba phrag khrig dang / 'phags pa dgra bcom pa rnams la