[A:59]g.yu rnying la gang rgyags su bsnams nas leng shAkya brtson 'grus/ 'brog mi shAkya ye shes/ 'gos khug pa lhas btsas te lo tstshab gsum gyis slob ma dge bshes lo ro ba zhes pa'i drung du yol dbus sder byon te/ dgung lo brgyad cu rtsa brgyad kyi bar du phar tshad mngon sum/ bya spyod rnal gsum/ bde dgyes gsang gsum/ sgyu thod gdan gsum sogs la slob gnyer mdzad do/ /lo ro ba'i zhal nas mchims zhes bya ba'i sngags pa chen po gcig yod pa la/ 'di na ning rtsa na rdo rje 'dzin pa dang 'dra/ nga ba glang dang 'dra/ da nga yang lotstshab gsum la thugs pas rdo rje 'dzin pa dang / dus 'khor shes pa gcig byung na da dung nga ba glang dang 'dra bar 'dug gsungs pas/ bla ma gnam brtsegs dus 'khor shes pa gcig byung na snyam du sems shing / dge bshes de la thig le skor gsum gsan pa'i skabs su rgya gar nas paNDi ta so ma nA tha zhes pa dus 'khor mkhyen pa gcig byon pa 'dug ces gsan nas/ bla ma la zhus pas/ khyod mjal 'dod che bar 'dug pas chos grol ma thag sngon la song / nga phyi la yong gis gsungs pas byon te paN chen la gser srang bcu gnyis phul te 'jal/ slad mar zhing sing ma can btsongs te rta nag bzang po gcig phul/ kong po tshun phyag phyir 'brengs zhabs tog yun ring du byas pas dbang dang sor bsam gnang ste nyams rtogs khyad par can 'khrungs/ chos gzhan ma thob pa dang / paN chen dang bla ma sgom pa gnyis 'gol dus zhus btugs mdzad cing gzhan byung pa dang 'phro gcod pa gzigs nas/ gdams ngag thams cad bla ma sgom pa la gnang yod dgongs te sgom pa gser phul nas zhus pas/ bka' rgya yod gsungs nas ma gnang / de nas paN chen rgya gar du gshegs pa'i shul du/ 'phan yul yur ma'i mda'i nor bzangs su lo gsum/ yer par lo gsum/ bla ma sgom pa go teg mdzad nas/ sems 'grel skor gsum man ngag phran dang bcas pa yongs su rdzogs