[A:60]pa dang / gsang 'dus 'phags skor sogs bum pa gang byo'i tshul du zhus/ de rjes bla ma mya ngan las 'das pa'i sku mdangs mdzad/ rnal 'byor nyid du thugs dam las mi g.yel bar bzhugs pa na/ phyis paN chen bod du phebs dus slob ma rnams kyis lha rje sgom pas gdams ngag thams cad sgro la byin nas khong rang gshegs so zhes zhus pas/ sgro ston gyis paN chen 'jal du 'ongs pa'i dus su/ dam chos gang 'dod sbyin no gsungs pa la/ gzhon dus su ni gnang du ma bzhed/ da rgas pas mi zhu byas pas/ khyod dkon mchog srung gi chos kyis ngoms 'dug ste/ de nga las ma byung na su las byung gsung nas phyag byugs/ bla ma chen po'i bka' drin lags zhus pas/ gang gang byin gsung / 'di dang 'di rnams gnang lags zhus pas/ de las nga la yang med thams cad rdzogs par byin 'dug ste gzhan la ster ri mna' skyol gsungs nas mgul la phreng ba bcug /der bla mas ni rdzogs par ma gnang bla ma sgom pa la zhus pa lags mod/ zhus pas phreng ba phud de ngan pa 'di gsungs nas dbu la bye ma sbyar gang brgyab/ re shig na da 'o na khyod kyis gzhan la ston la mgo lus tshang bar byin cig ces rjes su gnang ba yang thob/ sgro ston gyi rang gi yo byad yod do cog phul bas paN chen mnyes te/ dbang rnams rdzogs par bskur/ rgyud 'grel gyi bka' gnad rnams dri gtugs mdzad cing gsan/ de ltar paN chen dang bla ma sgom pa las sems 'grel skor gsum/ gzhung gdams ngag cha lag dang bcas pa ma lus par gsan nas/ chos phran bag re gsung zhing slob ma thams cad la sor bsam gnang nas sgom pa kho na la btsud de/ gzhung bshad mi mdzad pa las/ dgung lo bdun cu rtsa gnyis bzhes pa na grub chen yu mo la chos bskor rdzogs par gnang ste/ dgung lo brgyad cu la chos kyi dbyings su snyoms par bzhugs so/ /de'i phyi rten sgro rigs gnas sgang na bzhugs pa zhig pa'i sa 'bur tsam las