[A:61]ring bsrel du ma rnyed cing tsha tsha'i nang bzhugs gzungs kyi sham bur bla ma gnam brtsegs kyi thugs dgongs rdzogs par gyur cig ces pa yod pa/ phyis kun spangs chos grags dpal bzang pos 'jal bas ring bsrel brgya phrag mang po brnyes/ khang bu brtsegs pa'i mchod rten bsos te bzhugs so/ /bla ma'i thugs kyi sras gcig bu grub chen yu mo ni/ gangs te se'i rtsar yab rngam khro bo zhes pa la/ sras shAkya rgyal mtshan/ rdor byang / tshul she /grub chen te bzhi 'khrungs so/ / 'di nyid rim gyis la stod lhor byon nas/ dgung lo bcu pa la lto ba cher gyi gnas su mkhan po stag lo tsA ba gzhon brtson las rab tu byung ste/ mtshan 'dogs pa'i tshe gdung rus rngam du 'dug dad pa shin tu che ba zhig 'dug pas/ rngam btsun dad pa rgyal po zhes par 'dogs so zhes mtshan de ltar btags/ mkhan po la chos gsan zhing lo gnyis bzhugs/ de nas don mo rir se ston sgra gcan 'dzin dang / dge gnas su ba reg thos pa dga'i drung du mngon pa dang phar phyin gsan/ mi rnams dbu sa yu mo'i mgo 'dra zhes gleng bar rang nyid kyis yu mo zhes mtshan bla dwags su btags so/ /rma dge mthong dang / snyegs la dbu tshad dang / sog 'dul ba 'dzin pa la 'dul ba dang spyod phyogs/ mdo rtsa la zhal ston mdzad/ kye rdor sogs sngags skor yang gsan/ der grogs gcig gis dgun ci byed 'dri ba la/ mtshams byas sngags dpe 'dra 'bri gsungs pas/ 'o na byon lag tshang na rdo rje snying 'grel 'dug zer bas de 'bri'am zer ma thag /sngon gyi bag chags sad nas dad pas spu zing du gyur te/ dpe de g.yar nas 'bri zhing gzigs pas shin tu dad de sus shes dris pas/ so ma nA thas shes zer ba la/ de sngon gyi mi zhig yin snyam nas/ dbus su khams pa lde'u pa la spyod phyogs gsan cing bzhugs pa'i dus su/ dpal chen zla mgon skar chung na bzhugs zer ba gsan