[A:68]bsnyung ba mi mnga' bar dbyu gu zla ba'i tshes brgyad la sku gdung ring bsrel gyi phung po can bzhag ste chos kyi skur thim mo/ /bla ma 'di la slob ma mang yang mchog tu gyur pa ni/ khro phu lo tstshab/ dge bshes rma bya ba/ chos rje 'jam gsar ba/ bo dong rin rtse/ lho pa chos ldan no/ /chos rje 'jam gsar ba ni yul nyang ro'i skyur por/ yab slob dpon dpal chen zhes pa la sras gnyis 'khrungs pa'i chung shos yin/ mtshan jo sras blo bde zhes pa mig 'phul dang lugs kyi bstan bcos mtha' dag la mkhas shing / skyes stobs phul du byung pas byis pa'i dus nas/ gtsang nag pa'i 'grel pa la thun nyan byas te phar phyin la slob gnyer byas/ yab dang mched 'das pa la brten nas 'khor ba la yid byung ste/ chu mig lung du sangs rgyas lam pa'i drung du rab tu byung / mtshan shes rab 'od zer du btags/ chos dus su slob dpon bse dmar ba la phar phyin gsan cing / chos bar la mkhan po la bslab bya dang / bde mchog /phag mo/ phyag chen gsan/ dka' thub la rgyun du gnas pas lus sbyangs/ skabs rer shig nad drag po byung pa la bzlog bsgom mdzad cing / sku lus sbyin par btang bas zug rngu la brten nas thugs dam 'khrungs/ de nas yang mdze nad drag pos mnyel ba na/ slob dpon la phyag rdor mdo lugs zhus te/ mtshams dam par bcad nas tho rangs yud tsam re ma gtogs mnal ye ma log par bzlas pa mdzad pas bskyed rim brtan par byung ste/ mthong ba tsam gyis gdon bgegs thams cad dngangs nas 'gro snyam pa byung / lo gcig dang zla ba drug na yi dam gyi zhal gzigs te/ bsnyung rtsa ba nas grol zhing gzhan la 'dre gdon gnod pa na thugs gtad pa tsam gyis 'phral du 'gro ba byung / de nas phar phyin gyi tshig don gsung sgros thams cad ma bsnyel bar ston pas slob dpon bas kyang mkhas zhes grags/ zhang 'bri mtshams pa la mngon pa byung bar bslabs/ de nas gsang