[A:67]sangs rgyas nas sems can rnams sgrol bar byed de/ skye ba dang po mi gdung ba'i lha/ gnyis pa 'khor lo sgyur ba'i rgyal po gdugs kyi nor bu/ gsum pa dbang bskur chen po/ bzhi pa rgyal po don yod nor bu/ lnga pa rgyal po 'khor lo nor bu/ drug pa rgyal po rdo rje 'chang / bdun pa rma bya'i rgyal po gser du gnang ba/ brgyad pa nam mkha' lding gi rgyal po/ dgu pa rgyal po lag na padma/ bcu pa rgyal po dge ba bkod pa/ bcu gcig pa rgyal po lag na rin po tshe'i phyag rgya/ bcu gnyis pa rgyal po pho brang ral gri can/ bcu gsum pa rgyal po grags pa mtha' yas/ bcu bzhi pa lha'i bu dbang bskur rgyal po/ bco lnga pa 'khor los bsgyur ba'i rgyal po padma can/ bcu drug pa rgyal po padma'i nor bu rnams su skyes nas sa bcu bgrod pas smon lam rdzogs shing sems can rnams smin par byas te sangs rgyas kyi zhing yongs su sbyang ba/ mthar thug nas 'jig rten gyi khams padma can zhes bya ba bai DUrya las grub pa'i sa gzhi lag /mthil ltar mnyam pa ngam grog dang lung med pa/ gser gyi bye ma brdal ba der skyes pa'i sems can thams cad kyang dug gsum med cing longs spyod lhun gyis grub pa/ bud med dang nyan rang med pa theg pa dman pa'i sgra yang mi skrag pa/ der skyes pa'i byang chub sems dpa' thams cad kyang skye ba gcig gis thogs pa sha stag go /der bdag de bzhin gshegs pa dgra bcom pa yang dag par rdzogs pa'i sangs rgyas padma'i nor bu zhes bya bar 'tshang rgya ste/ 'khor byang chub sems dpa' 'ba' zhig la theg pa chen po'i chos ston to/ / ston pa de'i phyag zhabs kyi sor mo re re las padma re re 'byung la/ de re re las kyang padma bye ba phrag ther 'bum 'byung zhing / de'i re re'i nang nas sangs rgyas sprul pa'i sku bye ba phrag ther 'bum byung nas/ sems can dpag tu med pa la theg pa chen po'i chos ston te grol bar mdzad do/ /zhes rang gzhan gyi skye ba 'das ma 'ongs mang po lung bstan/ pho ba lung phug tu