[A:71]gtan gyi drod dang rtags rnams byung ste yid ches gsum thob nas/ slar yang rkyang 'dur du 'byon dbyar chos grol nas/ bo dong rin rtse sogs slob ma bcu dang lhan cig tu dus 'khor gsan du byon te/ zhag bcu bzhi la dbang rdzogs par thob nas/ zla ba bzhi'i bar du rgyud 'grel man ngag dang bcas pa ma lus par mnos/ de nas rkyang 'dur du thub pa'i dbang po 'khor dang bcas pa zhal gzigs pa la/ yan lag bdun pa zhig phul/ sangs rgya ba'i rgyu lam 'bras bu thams cad bla ma sangs rgyas kyi drung du sgro 'dogs bcad zin pas chos ni ma nus gsungs/ rdo rje theg pa mchog gi lam zhugs kyang / /las dang ye shes phyag rgyu rtsa rlung dang / /phra mo theg le la sogs sgom pa yang / /thun mong dngos grub 'grub kyi mchog min gsung / /paN chen rnams dang grub chen grangs med dang / /bod yul gsang sngags spyod pa 'bum gyis kyang / /sangs rgyas rnams kyi rdo rje'i nye lam mchog /rgyud kun las sbas ltas pas rnyed ma yin/ /bla med rgyud bstan rdo rje rtsa bstan gyi/ /rgyal po'i pho brang mtha' drug tshul bzhi'i sgo/ /legs gdams rdo rje tshig gi sgo lcags bcug /gsang 'dzin chen po rnams kyis lde mig sbas/ /rigs gsum mgon dang de rnams rjes 'brangs pa'i/ /'grel pa rdo rje'i sgo 'byed lde mig gis/ /dus 'khor rin chen bang mdzod sgo legs phye/ /rgyud kun dgongs pa sbyor drug nyid yin par/ /skal ldan bla ma rnams kyis rtogs par 'gyur/ / dngos grub kun 'byung rin chen sna tshogs dang / /sbyor drug yid bzhin nor bu dngos su gnang / /rtsod ldan shin tu myur bar sangs rgya ba'i/ /zab lam 'di ni bla ma'i gdams ngag dang / /rgyal sras 'phags pa rnams kyi rgyud 'grel las/ /bsod nams shes rab stobs kyis kho bos rnyed/ /yid bzhin nor bu gos hrul gyis gtams nas/ /gter du sbas te 'dzam gling 'di nyid na/ /nga nyid nor che smras kyang su yid ches/ /gang zhig la yang phan