[A:76]pa gnyis/ /tshe 'dir dge stobs gang che lags/ /sgom pa'i gnas mchog gang zhig legs// zhes zhus pas/ jo bo nyid ston pa dngos su gsal ba'i gsung snyan pos/ khyod kyis dang por brtsams pa nas/ /brtson pas bsgrubs pas lus 'di yis/ /sangs rgyas mchog thob 'gyur ba la/ /brtson pa dor ba ma legs so/ /'on kyang nga'i theg chen chos/ /ston par 'dod na 'di rnams bsgrubs/ /lhag pa'i lha ni grub pa'i phyir/ /sbyin sreg lan brgya rtsa brgyad kyis/ /sku gzugs 'jam dpal rtsa rgyud bzhin/ /skye bo mang po'i tshogs par bzhengs/ /gsang sngags gzhung gdams ma lus pa/ bshes gnyen bzang la lung thob byos// rga nad dbul bas sdug bsngal ba'i/ /mi rnams kyi ni mgon skyabs gyis/ /de ltar khyod kyis bsgrubs gyur na/ /yon tan gegs kyi las sgrib sel/ /rten 'brel 'grig nas tshe 'di la/ /yon tan rgya chen skye 'gyur te/ /'jig rten gsum gyi mgon po dang / /'gro ba'i yid bzhin nor bur 'gyur/ /brag gnas rdo rje'i rtse 'dras brgyan/ /mtho ba'i dgon par skye bo rnams/ /byang chub sems mchog la bkod na/ /sdig spyod rgyal pos gnod mi 'gyur/ /blo ldan gong nas gong du 'gro/ /zhes lung bstan thob/ der chos rgyal sogs bka' brgyud kyi bla ma rnams kyang byon nas/ thugs dam dbu thog tu bzhag nas/ dus kyi 'khor lo'i chos kyis 'gro ba la phan thogs par lung bstan/ de nas gser sdings su zhi ba'i sbyin bsreg brgya rtsa mdzad/ so dgu pa la hor dmag bod du lhags dus sems can mang po'i srog skyabs/ bzang sman grub gling gi dgon pa btab/ 'gro mgon 'phags pa dang mchims chen po nas rdza chung ma la chu rdo'i dka' thub zhus pa yan la bla ma grangs med pa bsten/ bod du 'gyur ro 'tshal gyi chos ji snyed pa gsan zhing / lan re gzigs pa tsam gyis mkhyen pas kun mkhyen du grags la/ nyin mtshan gyi snang ba mtha' dag 'od gsal kho