[A:75]dbang bzhi pa'i skabs su nga bzhin du lus gnad 'chos la mi rtog pa'i ngang la zhogs gsungs pa tsam gyis 'gyu ba phra rags chad de bde stong chen po'i ting nge 'dzin mngon du gyur/ phyis sgom khang du bsgoms pas nyams rtogs 'ur langs te/ chos rje'i gsung gis gsal ba rab kyi mthar phyin gda'/ gzhan ma'i sgom chen gyi sgom sran la 'o skol gyi gdams ngag 'di yod na lung pa grub thob kyis bgang du yong nge gsungs/ chos rje de thub pa dang 'jam dpal sogs su gzigs pas/ ngas lha gang bsgoms pa ltar khyed kyis mthong bar 'dug pa/ gzhan la ma gleng gsungs/ phyis rgya nag nas phebs nas kyang / rgyud 'grel man ngag dang bcas pa mang du gsan/ dang po mjal ba nas sangs rgyas kyi 'du shes las tha mal du nam du yang ma mthong gsung / mtshan gsan pa tsam la'ang spyan chab 'byin/ grang po lung du 'jam rgyal ba la bsnyung gnas kyi lung zhus pas spyan ras gzigs kyi phyag gis dbu la nyul ba'i snang ba byung / khro phur bzang rings la mngon pa dang / stag thog tu sa skya paNDi ta la sgra tshad snyan ngag sdeb sbyor bde dgyes sogs chos mang po dang / paN chen bi bhu ta tsan la phreng ba skor gsum/ bde mchog /sbyor drug /kha che sangga shrI la phreng ba'i dbang dang ka tsan gyi sgra mdo/ dpyal chos bzang la dpyal pa'i chos skor/ dpyal padmo can la sbyor drug rnams gsan/ nyer lnga pa la sngar gyi mkhan slob dge 'dun dang bcas pa las bsnyen par rdzogs/ sre'u chung pa lce mdo sde sengge la yo ga sogs chos skor mang po gsan/ so brgyad pa la mang mkhar dril chen du sa skya paNDi ta la bgyes rdor gyi dbang / sems bskyed/ rigs gter gsan/ khong hor yul du thegs pa'i skyel gdung gzhu kun dga' ra ba'i bar du mdzad/ lha sar jo bo'i drung du mchod pa'i sprin stibs te gsol ba btab pas jo bo'i sku las 'od zer 'phro ba byung / bdag gis tshogs bskyangs chos bshad dang / /dben par tshogs spangs sgom