[A:81]lnga drug dus mnyam du gnang / khyad par du mkha' spyod bde ldan du byon pa'i tshe/ chos rgyal rigs ldan sogs bka' brgyud kyi bla ma rnams byon nas byin rlabs dang lung bstan mdzad/ se mkhar chung du thog ma dang / sengge rdzong du bar dang / gnas der mtha' mar dge ba'i mtshan ma thob nas dus kyi 'khor lo'i rgyud kyi snying po'i rtsa 'grel dang / thog mtha' bar dge'i khrid yig mdzad/ dge ba'i bshes gnyen dpag tu med pa 'dus pa la dus kyi 'khor lo gtso bor gyur pa'i gsang sngags gsar rnying gi dbang bskur/ rgyud 'grel gyi bshad pa/ man ngag gi khrid rim rnams rgya cher bstsal/ sa skya dpon chen skye bo'i tshogs mang po la'ang so so'i skal ba dang 'tsham par chos kyis tshim par mdzad pas jo nang pa chen po zhes phyogs kun tu grags par gyur/ chu pho byi ba lo la mar me 'chi khar gsal bya ba yin gsung sku khams bzang ba'i ngang nas slob ma rnams la chos rnams rdzogs par gtad/ de nas dgun smad sku tshe'i 'du byed btang yang byang sems rgyal ba ye shes pa gdan sa la bsko ba'i phyed du/ srog rtsol la brten nas 'tsho ba'i 'du byed byin gyis brlabs te/ zla ba phyed tsam na byang sems pa la mgur cham byung yod pa la phan na myur du shog gsung bas byon pa na/ nga da lo me tog khra chil ba'i dus na 'chi rtsis yin pa la mdang zhag glo bur du rtsa bsdus pa gcig byung / nged 'chi dus khyed dang 'phrad dgos pa la ma slebs pas/ nga dus kyi 'khor lo'i rnal 'byor pa yin/ khyed kyis brdungs na ngas bsrings pa chos snyam ste rlung sbyor 'ga' byas pas rtsa sor chud de 'chi ba bslus bdog gsung / sku khams bzang zhing phyag rtsa bde na gshegs pa'i rtags ci lags zhus pas/ rlung sems la dbang thob na 'gro ba la rtags ci dgos/ do zhag ngas bar dor phyin nas 'jig rten gyi khams mang po'i bar do'i sems can tshad med pa bsgral/ sangs rgyas kyi zhing mang po bltas zhing / bde ba can dang / dga' ldan dang / shaM bha