[A:83]mtsho/ bu chen rin chen dpal bzang rnams so/ /kun spangs chen po'i thugs sras kyi mchog byang sems rgyal ba ye shes ni/ yul khams kyi rdog mdor/ yab yon tan shes rab/ yum bzang mo zhes bya ba'i sras su me mo sbrul la sku 'khrungs/ chung ngu'i dus chos rje karma pa kyis pha de mi 'dod pa bzhin du blangs nas/ blo gros sengge dang / mdog shAkya byang chub las rab tu byung / karma pa kI la karma pa'i chos skor mtha' dag gsan/ de nas dbus su phebs nas mtshur phur karma pa'i gsol ka ba yang mdzad/ karma pas ri khrod 'grim zhing rtse gcig tu bsgoms shig don gnyis 'grub bo zhes lung bstan/ de nas gsang phur 'od zer mgon po dang / zul phu ba bsod nams rin chen las bsnyen par rdzogs shing / mdo rtsa/ phar phyin/ spyod 'jug rnams gsan/ g.ya' lung pa las byams pa'i chos lnga/ mngon pa/ lam rim gsan/ chos rgyal 'phags pa las sems bskyed/ bde mchog /ma yA sogs gsan/ 'jam dbyangs bzhi thog pa las dus 'khor rgyud 'grel/ 'phags skor/ bde dgyes/ 'jigs byed/ rigs tshogs rnams gsan/ dus 'khor ye shes rin chen la dus 'khor rgyud 'grel gsan/ kha che paNDi ta bi ma la shi/ grub pa dpal/ grag chen pa sogs bla ma mang po las sde snod rgyud sde'i bka' phal che ba gsan/ khyad par jo nang du kun spangs chen po gtso bor bsten pas/ dus 'khor sogs chos rnams bum pa gang byo'i tshul du gnang / mngon shes lnga grub/ nga bdun pa la jo mo nang gi gdan sar bzhugs nas chos 'di gtso bor ston pa'i phrin las rgyas par mdzad/ dga' ldan pa kun bsod la sogs pa dge ba'i bshes gnyen chen po mang po dang / dpon chen byang rdor la sogs pa'i mi chen po rnams kyis kyang zhabs la btugs/ mdo sde lung sbyor che chung rgyud sde lung sbyor che chung rdo rje theg pa'i bcud len sogs bstan bcos yang mang du