[A:84]mdzad/ mthar gtsang po rgal te chos dbyings phug mo'i gnas su rtse gcig tu sgrub pa la bzhugs/ re bzhi pa lcags pho spre'u la mkhas btsun pa gdan sar bskos nas/ dpyid zla ra ba'i tshes gcig la gshegs/ steng phyogs 'og min gyi lha gnas na bzhugs so zhes karma pa rang byung rdo rjes gsungs so/ /rje 'di nyid la rgyud 'chad pa la mkhas pa dang / sbyor drug la myong rtogs thob pa'i slob ma grangs med cing phyir mi ldog pa'i sa thob pa yang brgya phrag mang du byung pa las/ mchog tu gyur pa ni/ stag lung pa rata ka ra/ sha grags seng ba grub thob dar yul ba/ mkhas btsun yon tan rgya mtsho dang bzhi'o/ /mkhas btsun yon tan rgya mtsho ni/ gtsang mdog gi dben par bsngags pa'i dgon pa mkhar rnying du yab kun dga' dpal dang / yum mgon skyid kyi sras su lcags sprel la 'khrungs/ gdung lding mched lnga'i tha chung / bcu gsum pa la shar pa ye shes rgyal mtshan la dge bsnyen mnos/ mtshan yang thugs rje dpal du btags/ bco lnga pa la mdar du byams dar byang skyabs kyi grwa sar byon/ spyang ston rdo rje rgyal mtshan gyis mkhan po/ yon tan dpal gyis slob dpon mdzad de/ rab tu byung / mtshan thugs rje rgyal mtshan du btags/ mngon pa kun las btus rnam nges rigs gter rnams mkhas par sbyangs/ de nas sa skyar byon te 'jam dbyangs gzhi thog pa la btugs/ khong gis bu ston kun bzang dpal la sprad/ phar phyin 'jam gsar lugs slob tu bcug pas 'phral du mkhyen/ bzhi thog pa mnyes te/ de ring chos khri khar 'bul ba gang byung yang khyod la ster bas/ nga'i chos khri'i steng du sdod/ 'bul ba che chung khyed rang gi bsod nams la rag las so gsungs pa la/ der khams pa gcig gis dbu zha gsol zhal sder/ ber thul/ ja sdum/ gos phyi nang / mdzo sogs 'bul ba byung pas sku bsod che bar grags so/ /bzhi thog pa'i drung du phyi nang gi rgyud sde mang du