[A:85]gsan/ dus 'khor ba ye shes rin chen rgya yul la 'byon pa'i phyag phyir byon te/ lo ngo bzhi la sa skyar phebs/ bzhi thog pa la dus 'khor rgyud 'grel dang bcas pa dang / rtag gnyis phran dang bcas pa gsan/ grub pa dpal bzang po las kyang phyag len rnams bslabs/ de nas sum cu pa la jo mo nang du kun spangs chen po'i zhabs la btugs te/ sbyor drug gi chos tshan brgya lhag pa gsan/ rgyud 'grel sogs kun spangs pa dang / byang sems pa la mnga' ba'i chos rnams bum pa gang byo'i tshul du mkhyen/ mang du gsan pas yon tan rgya mtshor btags/ so bdun pa la bla brang bzhi thog tu 'jam dbyangs chen pos mkhan po/ zhang kun spangs chen pos las slob/ shar pa ye shes rgyal mtshan pas gsang ste ston pa mdzad nas bsnyen par rdzogs/ re gcig pa la jo mo nang gi gdan sa mdzad de/ sde snod 'dzin pa'i tshogs chen po la/ dus kyi 'khor lo'i dbang rgyud 'grel man ngag gnang ba sogs phrin las rgya chen bskyangs/ mngon par shes pa sogs mngon par rtogs pa'i yon tan mang po mnga'/ re bdun pa la kun mkhyen chen po gdan sar bskos te/ spyir lo sum cu rtsa brgyad kyi bar du jo mo nang nyid du bzhugs nas/ re brgyad pa me mo yos tha skar zla ba'i tshes brgyad la mnyel ba med par sa g.yo ba dang / me tog gi char 'bab pa sogs ngo mtshar ba'i ltas dang bcas te bde bar gshegs/ gdung zhugs la bzhen dus 'od kyi gong bu rdza ma tsam mang po thon te nam mkha' la 'gro ba byung / ring bsrel rnams sku 'dra dang / phyi rten rnams rnam rgyal mchod rten na bzhugs so/ /de'i sras kyi mthu bo kun mkhyen chen po ni/ dol po ban tshang du yab nam ston ye shes dbang phyug /yum jo lcam tshul khrims rgyan gyi sras su chu pho 'brug la 'khrungs/ gdung rus rnams bla ma skyi ston pa la 'jam dpal dbang mo che zhus/ mtshan shes rab mgon du