[A:87]las slob la so thar gsan/ bsad sha mi gsol ba'i g.yar dam mdzad/ slar yang sa skyar skyi ston pa'i drung du mngon pa mdzod la sbyangs shing / phreng ba zhe gnyis ma dang nyer brgyad ma/ dus 'khor bde dgyes gsang gsum/ sgyu thod gdan gsum/ dmar nag 'jigs gsum/ dpal rtse dbyings gsum la sogs pa'i dbang rjes gnang nyi brgya bcu bzhi rnams dkyus thog gcig la gsan/ dus 'khor rwa lugs sogs rgyud sde mang po'i bshad pa/ tshad ma sde bdun/ byams pa'i chos lnga/ pra ka ra Na sde brgyad sogs gzhung lugs mang po/ lung sde bzhi/ sher phyin rgyas 'bring bsdus/ mdo mangs/ phal dkon/ rgyud 'bum sogs mdo rgyud bstan bcos man ngag mtha' yas pa gsan/ de nas lha sar jo shAka rnam gnyis 'jal/ khyad par spyan ras gzigs kyi drung du sems 'grel skor gsum cha lag dang bcas pa'i tshig don ma lus pa thugs su chud nas gzhan la ston nus pa'i gsol ba drag tu btab/ byin gyis rlabs pa'i mtshan ma thob/ bsam yas kyang mthal zhing skyi phan gyi grwa sa phal mo cher grwa bskor la byon/ 'jam dbyangs shAka gzhon/ btsan dgon pa ba/ dben dge ba sogs mkhas par grags pa rnams rigs pas brtul/ mkhan chen bsod grags pa la blo sbyong zhus pas byang chub kyi thugs 'byongs/ 'khrungs yul du byon nas yab dang 'jal/ la stod mnga' ris kyi dge bshes rnams rigs pas brtul bas mnga' ris dbus gtsang thams cad du mkhas pa'i grags pas khyab/ khab gung thang du shar pa kun bsod la bde mchog gsan/ de nas sa skyar phebs te dus chos su bka' chen bzhi sogs spo ti lnga drug re sbrel nas gsungs/ dung lung dga' ldan du kye rdor gyi sgrub mchod mdzad pas bum chu khol/ yi dam gyi lha mang po'i zhal gzigs/ jo mo nang du gu shri rin seng ba'i dar 'gyed skyel du byon pas sgrub pa ba rnams kyi sgrub tshugs la dad pa skyes te/ da bzod 'dir 'ongs nas sgom