[A:88]chig khril gcig bya dgos dgongs pa byung / bla ma sengge dpal bas bskul bas rnam 'grel gyi Tikka mdzad/ sengge dpal ba dbus phyogs kyi chos grwa thams cad du 'byon pa'i phyags phyir byon/ mtshur phur karma pa rang byung rdo rje'i drung du rang stong gi lta ba bzung nas 'brel gtam mdzad pas/ ma 'ongs pa na gzhan stong du 'gyur zhes lung bstan/ sengge dpal ba gong du byon pa'i phyag phyir 'byon dgos gsung ba la zhu ba nan gyis phul nas/ so gcig pa la jo mo nang du mkhas btsun yon tan rgya mtsho'i zhabs la gtugs te dus kyi 'khor lo'i dbang dang khrid gsan nas thugs nyams su bzhes pas nyams rtogs kyi klong rdol/ rgyud bshad sogs chos skor ma lus pa gsan/ de nas gsang thabs su kun spangs chos grags dpal bzang po la dus 'khor rgyud 'grel/ rnam phreng ba'i dbang phyag len/ byams pa'i chos lnga sogs gsungs/ de nas kun spangs pas zhu ba po mdzad nas mkhas btsun pa la dus 'khor gyi dbang gsan dus/ thig 'debs pa la kun spangs pa ches mkhas par byung pas/ mkhas btsun pa dgyes te/ rje 'di la khyed kyis dad 'dun can rnams la rgyud 'grel tshar gcig gsung ba zhu gsungs pas/ bde ba can gyi bla g.yer dbus su dkyil 'khor yongs rdzogs dang / phyogs mtshams su thab thig rnams btab/ 'dzim pas dkyil 'khor thab bslang / phyi 'jig rten dang nang rtsig rlung gsum gyi bkod pa rnams bzos/ slob ma nyis brgya tsam la rgyas par gsungs pas/ mkhas btsun pas ber thul sogs gnang sbyin chen po mdzad nas/ tshogs chos yang gnang bar zhu gsungs pas/ bka' bzhin skyes rabs spyod 'jug bslab btus rnams gsungs/ de nas mkhas btsun pas bde dgyes gsang gsum sogs kyi dbang rgyud man ngag bum pa gang byo'i tshul du rdzogs par gnang / de nas mkha' spyod bde ldan du thugs dam rtse gcig tu bzhugs pas/ mngon par mkhyen pa thogs med du mnga' ba