[A:51]gis kyang lo brgya'i bar du rtsa rgyud 'grel pa dang bcas pa'i chos bstan/ de nas de'i sras gshin rje mthar byed kyi sprul pa gzi brjid can/ de'i sras sgrib pa rnam sel gyi sprul pa zla bas byin dang / de sras rmugs byed kyi sprul pa lha'i dbang phyug /de'i sras rta mgrin gyi sprul pa sna tshogs gzugs/ de'i sras mkha' snying gi sprul pa lha'i dbang ldan rnams kyang sengge'i khri la rtsa rgyud rtsa 'grel bstan no/ /de nas mkha' snying gi sras 'jam dpal gyi sprul pa grags pas sengge'i khri la lo brgyar rtsa rgyud rtsa 'grel bstan nas/ de bzhin gshegs pas lung bstan pa'i stobs kyis kA la pa'i grong na gnas pa'i tshangs pa'i drang srong bye ba phrag phyed dang bzhi la sogs pa rnams sad par mdzad nas nag pa'i nya la ma la ya'i tshal gyi dkyil 'khor chen por bcug nas 'jig rten dang 'jig rten las 'das pa'i dbang bskur rtsa ba'i rgyud stong phrag bcu gnyis pa/ phreng ba 'dzin pa'i sdeb sbyor gyis stong sum cu pa yang dag par bsdus shing de yang 'jig rten khams le la brgya re dgu/ nang le la brgya don gsum/ dbang le la nyi brgya dang gsum/ sgrub le la nyi brgya dang so bzhi/ ye le la nyi brgya dang nga gcig ste rtsa rgyud las phyung ba'i blo ka stong sum cu dang / khams ler rab mchog pa gzhi zhes blo ka gcig gang zhig mi yi sogs slob dpon mnyes pa dang / ji ltar bsdus pa dang dge ba bsngo ba dang / grags pa bdag la utpa la'i dpe ston par mdzad pa rnams legs par bstan/ rigs bzhi mtha' dag rdo rje'i rigs gcig tu mdzad pas rigs ldan zhes mtshan gsol/ de man chad rnams la'ang rigs ldan du grags/ nyi ma'i shing rta sogs drang srong rnams zla ba phyi ma sa ga'i nya'i tho rangs la phyag rgya chen po'i dngos sgrub brnyes so/ /rang gi sras spyan ras gzigs kyi sprul pa padma dkar po la 'grel bshad rtsom par bskos shing longs spyod rdzogs pa'i sku de nyid du thim mo/ /padma dkar pos 'grel bshad stong phrag bcu gnyis pa dri ma med