[A:52]pa'i 'od dang don dam bsnyen pa mdzad/ lo brgyar chos bstan/ de bzhin du de'i sras gshin rje mthar byed kyi sprul pa bzang po/ de'i sras sa snying gi sprul pa rnam rgyal/ de'i sras rmugs byed kyi sprul pa gshes gnyen bzang po/ de'i sras sgrib sel sprul pa phyag dmar/ de'i sras khengs byed kyi sprul pa khyab 'jug sbas pa/ de'i sras nam snying gi sprul pa nyi ma grags/ de'i sras bgegs dgra'i sprul pa shin tu bzang / de'i sras phyag rdor gyi sprul pa rgya mtsho rnam rgyal/ de'i sras gshin rje mthar byed kyi sprul pa rgyal dka'/ de'i sras sa snying gi sprul pa nyi ma dang / de'i sras rmugs byed kyi sprul pa sna tshogs gzugs/ de'i sras sgrib sel gyi sprul pa zla ba'i 'od dang / de'i sras khengs byed kyi sprul pa mtha' yas dang / de'i sras nam snying gi sprul pa sa skyong dang / de'i sras bgegs dgra'i sprul pa dpal skyong dang / de'i sras phyag rdor gi sprul pa sengge dang / de'i sras gshin rje gshed kyi sprul pa rnam par gnon pa dang / de'i sras sa snying gi sprul pa stobs po che dang / de'i sras smugs byed kyi sprul pa ma 'gags pa dang / de'i sras sgrib sel gyi sprul pa mi'i sengge dang / de'i sras mkha' snying gi sprul pa dbang phyug chen po dang / de'i sras phyag rdor gyi sprul pa mtha' yas rnam rgyal dang / de'i sras 'jam dpal gyi sprul pa rigs ldan drag po 'khor can byung ngo / /de dag las gzi brjid can dang / ma ga dha'i grong khyer skya bo'i bur stobs kyi 'khor los sgyur pa chos rgyal mya ngan med byung pa dus mnyam/ sna tshogs gzugs dang / slob dpon klu sgrub byon pa dus mnyam/ de'i sku tshe'i ring la rigs ldan rnam rgyal yan chad rdzogs/ rnam rgyal rgyal sar bskos pa dang / 'phags pa thogs med byon pa dus mnyam mo/ /rigs ldan drag po'i sras la gnyis/ 'jam dpal gyi sprul pa lha'i dbang po dang / 'jig rten dbang phyug gi sprul pa tshangs pa'o/ /de gnyis kyi rgyab dang mdun gyi dum bur chos ston zhing / der rjes 'od srung la sogs pa'i mi bdag