[A:56]zer ba la/ mthong tshad zin par 'dod byas kyang 'ong ba yin pa la/ blo tshul bas zhum pas bris tshad zin par 'dod byas pas de ltar byung pas/ paNDi ta ngag gi dbang phyug grags pa zhes bya ba/ kha sar pa Ni'i gtsug lag khang du byung / des slob dpon dus 'khor zhabs la rgyud du shes dris/ slob dpon gyis lan gsungs pas/ rgyud kyi mtshan tsam yang 'dzin par ma nus/ de la slob ma mang po byung pa las phal cher rnal 'byor par gyur nas bshad pa'i srol 'dzin pa sras nA lendra pa dus 'khor zhabs chung bar grags/ snga ma lta bu'i yon tan dang ldan pa yin skad/ de'i dus kha cher bram ze gcig gi bu zla mgon bya ba blo shin tu rno ba zhig byung pas/ yab mu stegs byed kyi chos rnams lo bcu gnyis la shes/ yum sangs rgyas yin pas nga'i chos slob dgos zer nas/ kha che bram ze zhabs zhes bya ba'i paNDi ta la nyan du bcug pas nang pa'i chos mang po gsan/ de nas dbang mdor bstan gyi dpe gzigs pas shin tu mos te/ ma ga dhar byon pa dang / dus 'khor ba yab sras mjal byon no/ /byang chub sems dpa'i chos skor rnams zhus so/ /mkhas pa kha che rin chen rdo rje dang rtsod pas zla mgon la thob rin chen rdo rje na re/ nga la slob ma mi dad par 'ongs gzhan du byon gsungs/ de nas chos 'di bod du spel dgongs nas bod du byon no/ /de nas gsum pa la 'bro ba'i lugs dang re pa'i lugs so/ /dang po ni/ de nas kha che zla mgon bod du byon/ kha rag gnyos la babs/ 'grel pa dri ma med pa'i 'od bsgyur/ gser srang brgya rdzong bar chad/ paNDita ma mgu bar 'grel pa phyed las ma bsgyur/ 'gyur byed 'phro bsnams nas 'phan yul grabs su byon/ zhang pho chung bas bla mar bzung / 'bros lotsA ba byas nas yongs su rdzogs par bsgyur/ gnyos kyis zhang ston la/ khyod kyis nga'i bla ma phrogs pa yin pas/ sba gseb tu yungs dkar tsang nge ba zhig bya yi zer ba la/ khro bo brgya