[B:428]rnams ni/ shAkya thub pa'i sngon rol du gsungs par bshad la/ ye shes rgya mtsho'i rgyud ni 'bum phrag lnga pa yin te/ phyag rgya chen po thig le las/ ye shes rgya mtsho kye rdo rje/ / /'bum phrag lnga yi bdag nyid rgyud/ / /gang zhig khyod kyis de nyid gsungs/ / /zhes bshad pa'i phyir ro/ / /gal te rtsod dus su'ang mkha' 'gro rgya mtsho 'bum phrag gsum cu so drug po gsungs par bshad do zhe na/ de ni rgyud chen por mngon par brjod pa zhes bya ba yin gyi/ mkha' 'gro rgya mtsho ni ma yin no/ / /'o na da lta'i mkha' 'gro rgya mtsho'i bsdus rgyud 'di de las phyung ba yin pa'i phyir/ mkha' 'gro rgya mtsho zhes pa'i mtshan mi 'thad par thal ba'i skyon yod do zhe na/ med de dper na/ kye rdor 'bum lnga las brtag gnyis phyung ba yin kyang / brtag gnyis la 'bum lnga zhes pa'i mtshan med pa bzhin no/ / /des na 'bum phrag bdun pa ni/ 'bum lnga'i rtsa rgyud du bshad pa'i phyir thog mar gsungs par grub cing / phyag rgya chen po thig le ni/ rtsa rgyud 'bum phrag lnga bstan ma thag pa'i rjes su gzhan ma yin pa'i 'khor gyi dbus su gsungs so/ / /zhes 'grel par bshad pa'i phyir dang / ye shes thig le ni bshad rgyud yin la/ rtsa rgyud nam gsungs pa'i tshe/ bshad rgyud gsungs pa mi 'gal zhing / rgyud de nyid las/ kye bcom ldan 'das ma 'ongs pa'i dus yang dag par gsang ba'i rgyud 'di skal ba dang ldan pa'i sems can rnams la sus bshad par 'gyur/ bcom ldan 'das kyis bka' stsal pa/ dpal phyag na rdo rje mgon pos bshad par bya'o/ / /zhes gsungs pa'i phyir dang / de kho na nyid sgron ma ni/ rgyud de nyid las/ gsang ba chen po'i rgyud 'di ni/ / /shes pa dang ni bshad pa su/ / /bcom ldan 'das kyis bka' stsal pa/ byang phyogs dpal rdo rje'i gnas u rgyan du