[B:427]drug gi rgyud rgya chen po de'i dbus nas yongs su bsdus pa'i gzugs snying po lta bu chung ngu mkha' 'gro rgya mtsho de ltar 'di'i ming du bshad pa'o/ / /ri rab rdul zhes bya ba la sogs pa rgyun chad med par rab tu 'bab pa ste/ de bzhin du bshad do/ / /slar yang rtsod pa'i dus su rgyud chen por mngon par brjod pa 'bum phrag sum cu rtsa drug pa shAkya seng ges gsungs so/ / /de'i nang nas slar yang rdo rje phag mo la sogs pa'i ma mo 'dus pa rnams kyis rgyud 'di rdo rje'i gnas su bcom ldan 'das las thos pas/ phan tshun rjes su bstan par byas nas bsdu bar mdzad pa ste/ gang bcom ldan 'das kyis gsungs pa de la mngon par dga' ba ste/ tshig 'di la zhes bya ba ni gzhung gi tshad la yang ngo / / /lhag ma gzhan pa'i sems can rnams grol zhes bya ba la sogs pa ni rab tu gsungs pas so/ / /rnal 'byor zhes bya ba ni rnal 'byor rgya mtsho'o/ / /ye shes zhes bya ba ni ye shes rgya mtsho zhes bya ba'o/ / /sdom pa zhes bya ba ni sdom pa rgya mtsho'o/ / /bya ba zhes bya ba ni bya ba rgya mtsho'o/ / /de kho na nyid ces bya ba ni de kho na nyid rgya mtsho'o/ / /'di rnams zhes bya ba ni rgyud lnga po 'di rnams la mkha' 'gro rgya mtsho zhes bya ba 'di gtso bo ste/ rgyud kyi rgyal po rgyud lnga dang mnyam pa rgya mtsho zhes drug po mdor bsdus pa rgyud kyi rgyal po gzhan gyi ming can no/ / /zhes rnal 'byor rgya mtsho dang / ye shes rgya mtsho la sogs pa rgyud gzhan lnga dang / de lnga char dang mnyam pa'i mkha' 'gro rgya mtsho'i rgyud 'bum phrag sum cu so drug pa ste/ rgyud drug po de