[B:433]'gal lo/ / /bzhi pa ni/ gal te de nyid kyis gdul bya rnams kyi phyir rtsa rgyud rgyas pa dang / ma 'ongs pa'i gdul bya rnams kyi phyir rtsa rgyud bsdus pa gsungs pa yin na/ rtsa rgyud bsdus pa dang por ma gsungs pa'i phyir/ phyis bzlas te gsung zhes pa mi 'thad do zhe na/ skyon med de rtsa rgyud 'di'i tshig don mtha' dag 'bum phrag lnga pa na tshang bar bzhugs pa las/ slar yang nyung ngu'i rgyud 'di logs su gsungs pa'i phyir/ phyis bzlas te gsung zhes pa nyid 'thad de/ / /rgyas pa ni gur rgyan du shes par bya'o/ gnyis pa ni/ drang don gyi dbang du byas na/ rgyud sde rnams kyi 'grel par rang gi zhu ba po gang yin gyis bsdus par bshad pas 'dir rtsa ba'i rgyud dang / sampu Ta ni rdo rje snying pos bsdus la/ rdo rje gur ni bdag med mas bsdus so/ / /zhes bla ma dag gsungs la/ nag po pa'i 'grel chung las rdo rje snying pos bsdus par bshad do/ / /nges don gyi dbang du byas na de ltar ston pa dang 'khor dang nyan pa dang sdud pa po tha dad du zhen cing de la mos pa'i gang zag drang ba'i don du/ ston pa nyid kyi ye shes kyi rnam 'phrul/ ston pa dang 'khor dang sdud pa po tha dad du snang bar ston pa yin gyi/ rgyud tha dad du gyur pa ma yin te/ kye rdo rje las/ 'chad po nga chos kyang nga / / /rang gi tshogs ldan nyan pa nga / / /zhes gsungs pas so/ de ltar na rang las tha dad pa lta bu'i sdud pa pos bsdus par bstan pa'ang gdul bya drang ba'i don yin gyi/ yang dag par na ston pa nyid kyi e waM ma ya zhes sogs gsungs pa las/ dbang po rnon pos rgyud