[B:435]phyogs bhaM ga lar sku 'khrungs nas/ de'i nags gseb na sgrub pa mdzad cing bzhugs pa la/ yul de na grong khyer ra Da zhes bya ba'i tshogs pa chen po yod la/ de'i rgyal po de ha ra zhes bya bas slob dpon gyi yon bdag byas nas/ khab kyi yang thog tu spyan drangs nas bla mar bzung ste/ nyin re zhing phyag 'tshal zhing gdams ngag zhus pas/ rgyal po'i blon po rnams gros byas nas/ slob dpon gyi phyag rgya rigs ngan g.yung mo yin pas slob dpon gyi zhabs spyi bos blangs pas/ rgyal po rigs ngan du song / des 'bangs thams cad kyang rigs ngan du song bas/ de la dag byed kyi thabs dgos/ de'ang gzhan gang gis kyang mi dag pas slob dpon nyid mes bsreg dgos zer nas/ rgyal po la slob dpon bsreg par zhu phul bas/ der ma gnang yang blon po rnams kyis dbang med bsreg par 'dug nas/ 'di dag mi mos pa bzlog pa'i thabs shig mdzad na snyam pa la/ slob dpon gyis rgyal po'i bsam pa mkhyen nas/ stag mi zan gcig la zhon nas/ g.yung mo 'phongs su bskyon/ dug sbrul mang pos lus brgyan nas/ grong khyer du spyod pa la byon pas de dag thams cad dad par gyur to/ / /de nas slob dpon nam mkhar gshegs pas rgyal pos bdag rjes su gzung du gsol/ zhes zhus pas/ nam mkha' nas bdag med ma'i sgrub thabs bdud rtsi 'od gsungs shing / je mtho je mthor gyur nas sgrub thabs rdzogs pa dang mi snang bar gyur to/ / /de'i tshe rgyal pos bdud rtsi 'od yi ger bkod pa yin no zhes grag go / /yang lugs cig la stag la bcibs nas nags khrod du byon