[B:436]pa la/ yul mi rnams kyis seng ldeng la sogs pa'i shing mang po bcer nas me la bsregs pas/ slob dpon gyi zhal nas rgyal po la/ thal ba zhag bdun du srungs shig ces gsungs nas mes bkrongs so/ / /de nas rgyal po nang par phyin pas/ / /me'i phung por 'dug pa la ngu zhing bskor ba byas so/ / /de nas me shi nas thal bar 'dug pa la zhag bdun du bskor ba byas pas/ nang par thal phung gi dkyil nas slob dpon kye rdo rje lha dgu'i rnam par byas te nam mkha' la gshegs so/ / /der rgyal pos bdag rjes su gzung bar zhu byas pas/ sngar bzhin bdud rtsi 'od gsungs so zhes grag go / /de lta bu'i slob dpon des kye rdo rje'i sgrub thabs dang / bdag med ma'i sgrub pa'i thabs dang / tshogs kyi 'khor lo dang / de nyid bcu pa la sogs pa mdzad do/ / /des paNDi ta a la la badzra la gsung ste/ des kyang kye rdo rje phyag gnyis pa'i sgrub thabs sogs mdzad do/ / /des dpal ldan nags khrod pa chen po la gsung / des grub thob garbha ri pa la gsung / 'dis dran pa gcig pa'i sgrub thabs mdzad cing / rgyud la 'jug pa'ang mdzad do zhes grag go / /slob dpon de rnams kyis kyang mchog gi dngos grub thob pa kho na yin no/ / /des slob dpon dza ya shrI dznyA na zhes bya ba yongs su rdzogs pa'i paNDi tar gyur nas/ gsang sngags la sgrub pa mdzad cing 'tsho ba bsod snyoms la brten pas na/ rje btsun bsod snyoms pa chen por grags pa de la gsung / des slob dpon mi thub zla ba la gsungs te/ 'di la grub pa ma thob par bzhed pa dang / thob par bzhed pa gnyis las/ dang po ltar na/ slob dpon de'i rigs rgyal rigs/ yul ma ga dhA yin la/ dge 'dun phal chen sde pa la rab tu byung nas/ rig pa'i gnas lnga dang / khyad par du rgyud sde bzhi la shin tu mkhas pas/ dpal na lendra'i