[B:437]paNDi tar gyur pa dang / thugs rgyal cher skyes te/ mi thub zla ba shi ba na gsang sngags gang du 'gro zhes gsungs pas/ de slob dpon bsod snyoms pas gsan nas/ nga yod bzhin du de skad zer ba/ khyod la las kyi sgrib pa dpag tu med pa yod pas/ de sbyang pa'i thabs la 'bad dgos zhes gsungs pa la/ ji ltar bya zhes zhus pas/ srin bu pad pa'i dong du zhag bdun bsdad dgos zhes gsungs nas bsdad pas/ shi la thug par song ste/ zhag bdun 'das pa dang / bla ma'i zhal nas khyod kyis sgrib pa byang ste/ dngos grub dpag tu med pa thob par 'gyur bas/ sgrub pa gyis/ gzhan don du bstan bcos mang po rtsoms shig ces gnang ba la brten nas/ rtsa rgyud la dka' 'grel ku mu ti dang / sgrub thabs yan lag drug pa/ bdag med ma'i sgrub thabs/ 'byung po thams cad pa'i gtor ma'i cho ga / /gur rigs bsdus pa'i sgrub thabs/ de thams cad kyi dkyil 'khor gyi cho ga bzang po yongs bzung zhes bya ba rnams mdzad do/ / /de lta bu'i slob dpon de sgrib pa sbyang dka' bas sbyang dka' zla ba dang / rtsod pa gzhan gyis thub dka' bas thub dka' zla ba zhes kyang zer te/ de gnyis ka yang durdza ya tsandra zhes pa'i sgra las 'byung ngo / / /yang grub pa thob par bzhed pa ltar na/ slob dpon de nub phyogs u rgyan gyi yul dza landha ra'i gnas na sgrub pa mdzad pa'i tshe/ yul de'i phyogs gcig na dmangs phal pa cig la/ bud med mtshan nyid dang ldan pa/ las rgya'i rten du rung ba cig yod la/ de dmangs phal pa cig la dga' zhing