[B:423]grags/ / /zhes gsungs so/ / /gnyis pa la gnyis/ longs sku rgyu'i he ru kas gsung tshul dang / sprul sku 'bras bu'i he ru kas gsung tshul lo/ / /dang po ni/ gnas nges pa 'og min stug po bkod pa'i zhing du/ ngo bo nges pa zla ba chu shel nor bu'i 'od can gyi rdo rje 'chang chen po longs spyod rdzogs pa'i sku zhal brgyad phyag bcu drug pas/ 'khor nges pa rdo rje snying po la sogs pa sa bcu'i byang chub sems dpa' rnams la/ chos nges pa dpal kye rdo rje'i rgyud rnams dus nges par rgyun mi chad du gsungs pa yin te/ ji skad du/ gang yang 'og min zhing khams ni/ / /ye shes snang ba rgyas pa'i phyir/ / /bcom ldan rdo rje 'chang chen gyis/ / /rgyun mi chad cing khyab pa dang / / /rtag cing 'gyur med mchog gis ni/ / /gsang chen 'di ni kun tu ston/ / /zhes gsungs so/ / /de'ang longs sku la 'das grongs mi mnga' bar sa bcu'i byang sems kyi dbus su/ theg chen gyi chos la rdzogs par longs spyod pa'i snang ba rgyun mi chad pa'i phyir rtag pa zhes bya'i/ 'gyur med kyi rtag brtan du 'dod pa ni ma yin te/ slob dpon lha'i rigs kyi blo gros kyis/ chos kyi sku ni rang bzhin rtag pa'o/ / /longs spyod rdzogs pa'i sku ni 'khor mor bzhugs pas rtag pa'o/ / /sprul pa'i sku ni rgyun mi chad pas rtag pa'o/ / /zhes gur 'grel du gsungs pa'i phyir ro/ / /gnyis pa la bzhi/ dang por sprul sku mchog gis gsung tshul/ phyis shAkya seng ges bzlas te gsung tshul/ / /bzlas te gsungs pa'i dgos pa/ de la rtsod pa spang ba'o/ / /dang po la gnyis/ gsung