[B:424]pa'i rgyu dang / tshul ji ltar gsungs pa'o/ / /dang po ni/ dzambu'i gling 'dir dbang phyug la sogs pa 'jig rten pa chen po rnams 'dul ba'i phyir gsungs te/ de'ang rgyud rgyas pa las 'byung ba'i don/ bla ma gong ma rnams kyis gsungs bzhin bshad na/ sngon khams gsum las/ gzugs med pa'i khams la ni bdag po med la/ gzugs khams kyi bdag po tshangs pa dang / 'dod khams rgya che ba'i bdag po dbang phyug chen po dang / 'dod khams rgya chung ba'i bdag po gzhan 'phrul dbang byed kyi bdud sdig to can dang / ri rab kyi rtse man chad gling bzhi'i bdag po/ dbang ldan na gnas pa'i drag po dbang phyug chen po ste gtso bo bzhi dang / de dag gi chung ma gau rI la sogs pa brgyad 'khor 'dod khams kyi tshangs pa la sogs pa dregs pa can brgyad dang / de dag la yang rang gi 'khor dang chung ma la sogs pa bsam gyis mi khyab pa dang ldan pa rnams 'dod chags shas che bas/ spyod lam dus bzhir chung ma dang 'khyud/ zhe sdang shas che bas mi mang po bsad nas de dag gi sha khrag la rol/ gti mug shas che bas rgyu 'bras dang de kho na'i don la rmongs/ 'dod yon lnga rang dgar spyod cing / dzambu gling gi mi thams cad dbang du bsdus nas/ rang yang las log pa la zhugs shing / gzhan dag kyang 'god par byed la/ dregs pa'i rlom tshig kyang smra'o/ / /de'i tshe longs sku rgyu'i he ru kas/ drag po dbang phyug 'khor bcas 'dul ba'i phyir/ dgongs pa sna tshogs pa'i dam tshig chen pos rnam par rol pa'i rdo rje zhes bya ba'i ting nge 'dzin la bzhugs te/ ba spu'i