[B:425]bu ga nas dkyil 'khor gyi 'khor lo sna tshogs pa gling bzhi bye ba phrag brgyar gdul bya'i don du spros shing / khyad par du dzambu'i gling 'dir/ sprul sku 'bras bu'i he ru ka bcom ldan 'das kye rdo rje zhal brgyad phyag bcu drug pa dang / drag po'i chung ma brgyad dang ming mthun pa'i gau rI la sogs pa'i lha mo brgyad sprul nas dbang phyug rang dang / de bas che ba gsum dang bcas pa bcom ldan 'das nyid kyi gdan du mdzad/ dregs pa can brgyad ni lha mo brgyad kyi gdan du byas/ zhes rnam bshad dag ldan du 'byung la/ gdan gyi dag pa las/ drag po'i 'khor che shos ni gtso bos mnan/ drag po rang ni ghasma rIs mnan no zhes bshad do/ / /dbang phyug gi chung ma brgyad dang / de dag gi 'khor bsam gyis mi khyab pa ni phrin las pa'i tshul gyi dur khrod brgyad du bskrad nas de rnams kyi zhe sdang btul/ tsumbha dang bsrub pa la sogs pa bde ba chen po'i rnam 'phrul gyis 'dod chags btul/ sngags la sogs pa gsung gi sgras gti mug btul bar mdzad de/ mdor na dbang phyug 'khor bcas kyis 'jig rten pa rnams ma rungs par byas pas/ de dag 'dul ba'i ched du'o/ / /gnyis pa ni/ de ltar dus dbang phyug 'khor bcas btul ba'i rjes kho na la gnas rdo rje btsun mo'i bha ga'i nang du tshud pa'i gzhal yas khang par ston pa bcom ldan 'das kye rdo rjes 'khor 'jig rten las 'das pa du ma la/ chos kye rdo rje 'bum phrag bdun gyi bdag nyid can gyi rtsa ba'i rgyud kyi rgyal po chen po dang / 'bum phrag lnga pa zhes bya ba rtog pa'i rgyud dang / de'i rgyud phyi ma