[B:426]dpal phyag rgya chen po thig le/ phyi ma'i phyi ma ye shes snying po/ thun mong ma yin pa'i bshad pa'i rgyud ye shes thig le/ rgyud sde gzhan dang thun mong gi bshad rgyud dpal sampu Ta 'bum phrag sum cu so drug pa/ snying po'i rgyud grub pa nges bstan thig le/ 'bras bu'i rgyud de kho na nyid sgron me rnams gsungs te/ ye shes thig le las/ de nas gzhan nyon bdag gis bshad/ / /ji ltar rgyud kyi rim pa bzhugs/ / /dpal dang ldan pa'i rin chen rgyud/ / /'bum bdun gyis ni mtshan zhes bya/ / /de ni gtso bo'i rtsa ba'i rgyud/ / /sku brgyad bdag nyid rab kyi mchog / /de brtag kye yi rdo rje ni/ / /'bum lnga yi ni mtshan zhes bya/ / /dpal ldan phyag rgya che thig le/ / /de yi phyi ma'i rgyud du dran/ / /ye shes snying por grags pa'i rgyud/ / /de yi phyi ma'i phyi ma'o/ / /dga' mo ye shes thig le sgra/ / /bshad pa'i rgyud ni gsang ba che/ / /grub pa nges bstan thig le ni/ / /zhal bzang mo de snying po dang / / /de kho na nyid sgron me'i mtshan/ / /'bras bu'i rgyud grags 'chad par 'gyur/ / /de bdun du ni bdag gis bshad/ / /ces gsungs so/ / /gal te 'bum phrag lnga pa la sogs pa'i rgyud rnams shAkya thub pa'i sngon rol du gsungs pa gang gis shes zhe na/ mkha' 'gro rgya mtsho'i rgyud rtsa 'grel las/ rgyud chen po mkha' 'gro rgya mtsho la sogs pa 'dir 'dus pa'i gzugs 'bum phrag sum cu rtsa drug gis rtsa ba'i mdo rnam par 'chad pa por gyur to/ / /rgya che ba ni du ma'o/ / /mdor bsdus pa stong phrag brgyad cu rtsa bzhi ni chos kyi phung po'i tshad de 'di ni nges pa'o/ / /'bum phrag sum cu rtsa