[A:14a] lta'o zer/ 'grel pa phyag du phul bas/ khyed gnyis ka bden par 'dug/ 'di stod ya gi la rnyed pa yin 'dug zer/ chos so tha dad du gtad/ de nas gzung ste/ grub mtha' cha la brtsod dgos pa mang du byung kyang pham ma myong gsung slob gnyer gyi dus sha dum re za yi yod pa/ nam gcig 'jam dbyangs pa na re/ jo gdan gyi ska gseb nas gri bton sha za ba 'di rang 'jigs gsung pa shin du ngo tsha/ de nas dkar gsum dang/ stan gcig gi dang tshugs 'di 'chor ma myong gsung/ mdor na bslab pa gsum la gces spras mig gi 'bras bu ltar mdzad pa yin 'dug go des na rnam 'phyang zhes bya ba sa pho khyi'i lo la bsnyen par rdzogs pa nas bzung ste/ zhi ba zhes bya ba sa mo bya'i bar lo bcu gnyis kyi ring la/ phyi nang gi slob gnyer mthar phyin par mdzad/ de nas/
mig dmar zhes bya ba shing pho byi ba'i lo'i bar lo bco lnga'i ring la/ mtshan ni theg pa'i bshad nyan mdzad/ bzang ldan dge 'phel zhes pa'i bshad grwa'i rgyun tshugs/ mchad nyan gyi sgo nas sangs rgyas kyi bstan pa gsal bar mdzad pa yin no/
Invited by Gong ma grags pa rgyal mtshan
de nas/ sgom gcig rang byed du 'gro dgos pa'i 'dun pa drag po yod pa'i dus su/ sne gdong nas gong ma mi dbang chen po grags pa rgyal mtshan dpal bzang po'i bka' lung gdan drangs/ tshogs kyi dbu mdzad la 'bod mi byung pa/ 'bros par rtsams na'ang/ la stod byang pas/ bka' lung gi 'jigs pa ma bzod par 'bros sa ma rnyed par dbus la yong dgos pa byung/ mar lam phung po ri bo che'i thad kyi thang de la yong dus/ nam mkha' dang rig pa dbyer med du 'dres nas/ 'jig rten gyi khams byin sems kyi khyab pa snang ba thams cad rang gi sems su song nas/ snang sems dbyer mi ched pa'i nyams rda phyags phyed tsam gyi bar du byung gsung/ rin dpungs su phebs/ de nub/ slob dpon nam rgyal bas chos kyi 'brel pa zhus/ de na ngur rmig dngos la byon pa'i lam khar/ skyog po dgon pa'i