[A:15a] phebs yod 'dug pa'i skyos ma yin zhes glang ba'ang byung/
gung lo bzhi bcu bzhes pa'i dus/ mi dmar zhes bya ba shing po byi ba lo'i chu stod zla ba la/ skal bzangs kyi sangs rgyas bdun pa rab gsal zhes bya ba 'tshang rgya bar lung bstan pa'i paNDi ta chen po shakya shri bha tra'i khri mnan nas/ stan gcig gi ring lugs bla na med pa skyangs te/ myos ldan zhes bya ba sa mo yos kyi smin drug zla ba'i bar tshogs pa'i mkhan sa bzung/ mkhan por bskos pa'i zhogs/ rtse thang pa'i slob dpon gzhon pa ston pa bzang por grags pa gcig dang sgro gleng mdzad de/ thal 'gyur rgyal ba'i nga rgyal bskyes nas grub mtha' bshad pa dang/ skyong lugs 'di 'dra gcig dgos pa yin/ spyir mdo rgyud mtha' dag gi dgongs pa shes pa/ rig pa'i gnas lnga la sbyangs pa/ theg pa gsum gyi rnam bzhag/ grub mtha' bzhi'i 'dod tshul yi dam lha'i snang ba thob pa/ sgom pa'i nyams myong / de rnams la so sor 'byed pa'i blo phyogs lhung dang bral ba gcig dgos pa yin/ gral la gong nas dbon zhang gi thog grangs pa'i dpon skya 'jigs su rung ba mang po dang/ dge 'dun tshogs pa'ang mang por yod/ sgro gleng gi 'phro ma chod par/ ya gtam ran byung pas/ de 'phral gtam bshad rgyas pa btang pas/ byin ha las pa dang/ 'ga' zhig ngo 'tshar skye ba'ang byung gsung/ me tog 'thor ba'i dus/ phyi na yod pa rnams kyis gzigs pa la/ pho brang sne gdong la 'ja'i gur phub pa dang/ me tog gi char babs pa sogs mthong pa'ang byung 'dug zer ro/ ri phran dbus na lhun po ji bzhin du/ bstan 'dzin dbus na rtsod bral lha nge ba/ chos mthun dri ba byung tshe spobs pa rgyas/ mi 'jigs mnga' bsnyes chos rje'i zhabs la 'dud/ de'ang 'di skad thos te/ sngar kha ma bzo ba la brten nas/ phra dog skyes pa dang/ grub mtha' sdang zhugs byed pa mang du byung pa'i rtse thang pa rnams