[A:27b] zhal gcig phyag bzhi sku mdog dkar/ de sgom byed pa'i skye bo la/ yon tan dpag med 'byung par 'gyur/ oM ma Ni padma hUM/ zhes gsungs nas/ thams cad yi ge drug pa'i sgom zlas la bkod par gda' lags/ de nas sngon gyi gsol ba btab pa'i mthu dang/ smon lam dang rten cing 'brel par 'byung pa'i ched dam bsam gyis mi khyab pa'i stobs kyis/ nye gnas chen mo yan byin na gzhugs pa dang/ yon bdag stobs ldan rnams kyis gsol ba btab pa dang/ sems can mtha' yas pa'i bsod nams las/ rje rin po che gong lo gya bzhi gzhes dus/ 'ol kha'i phur mjal 'dzoms kyi rten 'brel sgrigs/ gzhan dag gis rje pa sku nas byon grags pas/ sprul sku yar phebs pa 'thad zhu na'ang/ lam khar nyes byed mi 'byung pa'i zhal gzhes dang/ lung bstan byung pas/ 'bru'u sna nas log mda' bar/ shan la thegs/ gong ma chen po'i drung nas kyang/ mar lan 'ban tshigs gling khar phebs/ de nub yon tan mchod ldan du gzhugs/ sang tsha gzhes bteg/ chos kyi rje spyan snga rin po che bsod nams rgyal mtshan dpal bzang po'i zhal snga nas/ thar ma'i lcang bseb nang du phebs nas/ der gdan zhus/ chos kyi gsung glengs kyi dga' ston yun ring du mdzad cing/ snam sbyar dmar dmug gcig dang/ gzhi nag sig gcig gi gnang sbyin kyang mdzad/ de nas phyir thegs te leg mtha' nas bde le la gdan drangs/ rim gyis 'ol khar phebs/ chab tshan zhag lnga mdzad pa'i zhag bzhi pa la sprul sku ri po che phebs pa'i skad cha dang/ ja 'dren la dpon bkra shis 'byung gnas sleb/ sang de de nas bteg/ tshugs zhag gnyis kyis/ bkra shis thang zer ba der/ dpon slob rnams mjal zhag