[A:27a] rje'i bka' lung kyang yod/ ci 'dra yin mi shes dgongs nas/ rnal 'byor pho mo rnams kyi khrod du 'khyams pa na/ skyes nas zla ba gsum song pa'i bu chung de dang 'jal/ de'ang mnyes pa'i rnam 'gyur mdzad kyi 'dug pa dang/ de'i sar byon nas khyod blo gros yangs pa'i skye ba e yin zhus pa na/ dbu sgril gyin 'dug/ 'o na de bzhin gshegs pa'i sku skye e yin zhus pa na/ dbu phyogs phyogs mdzad/ 'o na tshigs dpyad gcig gsung par zhu zhus pas/ byis chung co kas sgra skad 'bum phrag shes gyur kyang/ sgyu ma'i lus 'di ma tshar bar du sgra mi bya/ nga ni skye med rjod pa kun dang bral/ gnas med gnas bral 'khor ba'i 'gro ba rnams/ ma lus thar pa'i sa la 'god pa'i phyir/ skye 'gro kun gyi dpal du bdag gyur te/ zhes gsungs nas gong ma'i sku skye yin par zhal gyis gzhes/ de nas khong gis zhabs tog mdzad/ karma dang 'di phyogs na yod pa'i sgar pa/ grwa bu slob yon bdag dang bcas pa la/ gsung 'bum thog ma 'di bkur/ snyan pa'i grags pas sa stengs ma lus khyab par byung/ rda'i gu shri blo gros rgyal mtshan pas thog drangs pa'i/ sgar pa rnams kyi gzhan nye las thog drangs pa'i/ rten gsum mchod rdzas/ phyag rdzas kyang phal mo che drangs te/ chos rje sprul sku rin po che'i drung du byon/ 'jal ba dang/ ngo mtshar ba'i ltas bsam gyis mi khyab pas thams cad yid ches par gyur te/ ston pa ches rin sogs la ming nas smos te/ drung skor byin la mnyes pa'i rnam 'gyur mang po bstan pas/ the tshom gyi dra ba dang bral te/ gdul bya dpag med 'dus pa rnams la/ chos kyi 'brel pa gung lo gnyis pa nas gsags pa ni 'di lta te/ hri:yig las skyes bcom ldan 'das/