[A:3b] dang / rnal 'byor ma rgya mtsho'i tshogs kyis me tog gi char dang/ lha'i sil snyan gyi sgra du ma dang / dbang bskur ba dang/ shis par brjod pa dang/ lha'i bu dang bu mo dpag tu med pas mchod pa dang/ skye bo mang pos phyag byed pa dang/ lus la nyi ma shar ba dang/ zla ba khong du zhugs pa dang/ de las 'od zer 'phro ba dang/ rin po che'i rkas la 'dzeg pa la sogs pa'i rmi ltas bsam gyi mi khyab pa byung ste/ de dus 'phags pa'i thugs rje yin pa las gzhan mngal bzung bar yin par ni ma mngon no/ lhums na bzhugs pa'i tshe na yang/ yum la gnod pa med par/ sku lus yang ba dang/ sems can la tshad med pa'i snying rje rang shugs kyi skye ba dang/ zo mdog bzang zhing / ting nge 'dzin ngang gis 'char ba dang/ 'jig rten gyi bya ba la blo mi 'jug par gser 'od bam po lnga pa dang / bka' rgyas 'bring gsum la gzigs thog nan gyi mdzad 'dod pa gcig byung 'dug gsung/ sku ltams pa'i tshe na/ sa g.yo ba dang / gzims khang la nyi ma shar ba dang/ 'ja'i gur phub pa dus mnyam du byung pa yin zer la/ de lta bu'i skyes chen dam pa de/ bsod nams las yin bsod nams skyes zhes par/ grong mis mtshan gsol rkang gnyis gtso bo de/ rgya mtsho'i lo la gser 'od zhal mdon mdzad/ bzang po'i las sad bla ma'i zhabs la 'dud/ de yang/ khyu mchog ces pa lcags mo sbrul gyi lo/ nag pas nya ba'i tshes brgyad la sku 'khrungs/ bco lnga la phyir mthon/ yab yum gnyis dang/ grong mi khyim mdzes la sogs pa skye bo mang pos/ rje rin po che'i sku'i dbyibs la brtags pa na/ dbu zlum zhing rgyas pa dang/ yan lag dang/ nying lag rnams ring zhing 'jam la/ shin tu mdzes shing / yid du 'ong bas/ yab na re/ nga'i bu 'dis 'gro ba la phan thogs pa gcig 'ong par 'dug zer/ gzhan rnams na re/ 'di khyed rang rnams kyi bsod nams las skyes pa yin par 'dug zer nas/ mtshan bsod nams skyes zhes bya bar grags so/ bshes gnyen pa gcig na re/ 'di skyes bu khyad par can gcig yin par 'dug gsung/ thams cad thugs dad skyes