R114: dpal ldan bla ma rin po che bsod nams bzang po la rnam thar gyi sgo nas stod pa dngos grub kyi char gnas/ {bod yig glog rdul dpe cha/} {bod yig glog rdul dpe cha/}

  • Pagination (Witness A): 39b
[A:39b] rgyun mar nag rtsags pa bzhin bab/ de'i thigs pa phyir 'phros pa la/ skyed rims la brtan pa thob pa'i brtags su ngo mtshar ba'i brten / che chung nas 'bru tsam pa / zhabs rdo rje dkyil dkrungs/ phyag mnyam gzhag gi steng na yum rdo rje rnal 'byor ma/ gri thod 'dzin pa/ zhabs gnyis padma'i stobs kyis yab la 'khril ba gsal la dod pa 'di/ zhun dang/ sa rdo 'dres pa'i khrod nas bdag la byon la/ de nas dung g.yas 'khyil gsal la dod pa/ ring srel gyis rgyan pa gcig byon pa'i phyir mi ldog pa'i brtags su bstan/ de rjes ring srel dang/ lha sku'i rnam pa dod pa ni gdul bya mang po'i phyag tu byon/ rkang dkar po gcig gi nang na be ru ryA'i mdog yod pa gsal mi gsal sna tshogs su snang ba'i dus 'khor gyi rtsa sngags dang/ gzhan yang yig 'bru gsal la dod pa'i sku gsung thugs kyi snying po dang/ rigs lnga'i phyag mtshan gyi rnam pa mang po byon yod par 'dug te/ gzhan dag gis grongs pa'i brtags la yang mtshan du mdzad/
kho bo ni gson pa'i dus kyi brtags la ya mtshan du byed pas/ de tsam zhig las ma spros pa lags/ de nas rje rin po che nyid bzang ldan gyi 'chad nyan mdzad pa'i dus/ dgongs gcig gnyag phu'i lha tsan de/ sku drung du byung nas/ sad mi dang lug gcig yong bar yod/ de la khyed rang gi tshe 'di'i g.yog chol zhes lung bstan pa'i slob dpon nor bu bzang po nyid kyis/ phyi rabs kyi gdul bya rnams kyi bsod nams mngon par 'phel ba'i don du/ slar yang phyi rten byang chen mchod brten gzhengs/ sku gdung las gzhengs su gsol ba'i dri med 'bum gtor dang/ nang brten sku 'dra/ gsung gi brten dus 'khor rgyud 'grel gser las grub pa rnams la phyogs 'chan btab pa gzhengs/ rab tu gnas