[A:5a] pa na/ chos rje gnyag chen pa'i gsung gis/ kho bo'i tsha bo 'di la mgo sna legs po yod/ tshogs su khrid la/ re zhig spyod lam 'dra ba slobs/ ming nga rang gi btags pa 'di kha la 'ong/ dge tshul gyi sdoms pa byin gsung/ der rab tu byung ba'i yo byad rnams bsags pa na/ rje pa rang gi a ne gcig yod pa des phrug la byas pa'i stod g.yogs gcig khyer byung pa la/ mkhen pa'i zhal nas/ spu can chos gos gsum du byin gyis mi slab bya ba yin pas/ 'di phar la bsdus gsung/ 'di 'dul ba'i gda' chad chags pa'i thog ma yin gsung/ de nas slob dpon dpal ldan brtson 'grus pa la gnas kyi bla ma bcol/ 'dul ba mdo rtsa dang/ me tog phreng rgyud kyi gzhung bzung/ slob dpon gzhon nu 'bum la chos spyod phal mo che'i lung dang/ phyag khrid slabs/ mkhen pa'i drung du/ 'dul ba'i chos nyam pa la byon dus/ 'jig rten sangs rgyas 'byung pa rgya lam ste/ mi'i lus 'di tshegs kyis rnyed pa yin/ kye ma dad pa dang ni chos nyan pa/
'di 'dra bskal pa rgyar yang rnyed par dka'/ ces gsung ba na/ shin tu mad dgongs pa byung/ byang chub sems kyis kun nas slangs te/ chos kyi ched du yon 'bul ba dang/ 'chad nyan gyi skyon spong ba dang/ dka' spyad la skyo ngal med pa dang/ spro ba dang/ de'i don la rtse gcig tu sems pa dang/ de'i don rnam par 'byed pa'i shes rab dang ldan pas/ mdo rtsa ba dang/ me tog phreng rgyud dang/ 'od ldan dang/ dge tshul gyi ka ri ka rnams bsan/ thugs su legs par chud par mdzad do/ btsun chung gi dus thog mar bskor shom gyis gsung/ de'i tshe/ gzhan snang du rnal shin du che ba skabs re tshogs pa'i gdan gral 'grig nas cag di ri ri byung pa dang/ snal sad pa dang/ gdan dung gi dus snal ma sad par gral mdzes la rngan pa byin gyin gnyid sod zer dgos pa'ang gsung/ de'i dus na/ rnal lam du sangs rgyas kyi
zhing
mtha' yas su byon pa dang/ sangs rgyas mang pos chos gsungs pa dang