[A:73]kyi rang mtshang mngon du gyur pa rnams bdag nyid chen po 'di'i nges 'byung dang skyo shas dang snying rje chen po'i me lce'i bud shing gyur te/ yang dang yang du lhag par 'bar bas rkyen byas shing / spyir yang bsnyen par ma rdzogs pa rnams kyi tshangs par spyod pa ni byis pa mig mchi mas gang ba dang 'dra bar dge ba'i phyogs la rdzogs par spyod mi nus shing bstan pa la zhugs kyang gnad ma rdzogs par bstan pa'i gsang zab mo rnams la spyod pa'i skal ba dang mi ldan cing tshangs par spyod pa'i dpal dang ldan pa blo gros dpal bzang po ba'i drung du mkhan po zhus te/ mkhan por 'os pa dang slob dpon du 'os pa gnyis dang dge 'dun grangs dang mtshan nyid tshang ba mi mthun pa gnyis dang bral ba bcu phrag lhag pa'i dbus su bsnyen par rdzogs pa'i sdom pa legs par bzhes te/ rgyal ba'i bstan pa la zhugs la yongs su rdzogs par mdzad do/ /de ltar gyur nas kyang nyin par chos 'chad pa dang sbyor ba zin thun la sogs pas dus mda' zhing | mtshan mo spyan dmar por song song gi bar du sgron me la gzigs rtog mdzad pa sogs kyi brtson 'grus shin tu che bar mdzad pa'i skabs shig tu nad yams drag po zhig gis yul phyogs gtses shing / khyad par rang gi grwa pa mang po zhig la 'brum bu dang shol rims la sogs pa rims nad mang pos yun ring du btab pa na/ bdag nyid chen po 'di ni bdag bas gzhan gces pa'i byang chub kyi sems kyis kun nas blangsbslangs te/ bu gcig pa la ma yis ji ltar bya ba bzhin du nad g.yog legs par mdzad nas sman sbyin pa dang zas snyod pa dang | rgyu mthun 'dor ba la sogs pa'i sgo nas bsrail ba dang bskyangs