[A:74]pa dang bsogso ba'i sbyor ba la nyin mtshan du brtson par mdzad kyang / 'ga' zhig tshe'i dus byas kyang 'ga' zhig nad kyis yun ring du mnar ba la brten nas/ bdag nyid chen po 'di'i byams pa dang snying rje dang byang chub kyi sems lhag par 'phel ba'i rkyen du 'gyur zhing / skyo shas dang nges 'byung gi bskul ma chen por gyur te/ da ni theg pa chen po'i dge ba'i gshes gnyen yongs su rdzogs pa zhig la brten nas/ thog mar rang rgyud legs par 'dul ba kho na nan tan gyis/ gtso bor bya dgos par 'dug go snyam du dgongs pa nyin mtshan khor yug tu thugs la 'khrungs par gyur to/ /de nas/ mang thos tshul bzhin bsgrub la thugs gzhol tshe/ /thub dbang skyabs mchog chos rje'i mtshan thos nas/ /rtag tu ngu yis chos 'phags mtshan thos ltar/ /dpag yas bde ba'i mchog brnyes khyod la 'dud/ /ces pa de ltar bde bar gshegs pa'i gsung rab dri ma med pa mang du gsan cing mkhas pa'i go 'phang legs par brnyes| rnyed pa dang bkur sti'i dpal phun sum tshogs pa rnams thob tu zin kyang | tshul gnas thos dang bsam ldan pas/ /sgom pa la ni rab tu sbyor// zhes dang / bzod bya thos pa btsal bar bya/ /de nas nags su gnas par bya// zhes pa la sogs pa dang legs par bstun na/ chos rnams kyi tshig don rags rim khong du chud pa tsam gyis mi chog gi mdo sngags thams cad lam gyi rim par bsdus nas nyams su blangs te/ spyir 'jig rten phyi ma phan chad kyi don dang | khyad par thar pa dang thams cad mkhyen pa'i lam du mngon par phyin pa gcig mi dgos kha med du 'dug pas/ da ni de lta bu rdzogs par ston pa'i theg