[A:79]dad pa dang don du gnyer ba'i shugs ha cang drag pos gsung lan 'jal long yang med par myur du sangs rgyas bcom ldan 'das kyi gzugs sku dngos dang dbyer med pa'i drung du byon nas/ phyag 'tshal ba dang gdung shugs kyis gus pa chen pos ngud mo'i sgra dang bcas pa'i bstod pa gsol ba 'debs pa la sogs pa yun ring du 'gor ba'i bar du yang de rnams gar 'gro'i zla la byon te/ rdzogs pa'i sangs rgyas la dad pa'i myu gu gong nas gong du 'phel ba'i rkyen gyis kyang | bla ma gang na bzhugs pa'i gtam zhig thos par gyur snyam pa'i 'dun pa kho na rtse gcig tu 'khrungs par gyur to// de nas ring zhig lon/ 'gron po de dag gi rang rang gi 'dod pa dang dad pa'i shugs rnams kyi rba rlabs drag po dag cung zad zhi nas rang bzhin du gnas par gyur pa na/ khyed rnam pa gtsang phyogs nas phebs par 'dug pa/ gang nas byon zhes gsungs pa na/ bla ma nam 'od pa des bdag nyid chen po 'di la mig mi 'dzum par ring zhig gzigs nas/ rang re ba gang don du gnyer ba yin/ gnas gang du byon bzhed pa yin kyang / shin tu thugs bzhed dang don gnyer che ba'i rnam pa zhig 'dug nged rnams ni gtsang gi g.yas ru shangs dang stag tshang gi phyogs nas yongs pa lags so zhes zhus pa na/ phyag thal mo sbyar te/ de nan ltar thugs la btags/ chos rje lo tsA ba chen po mkhyen nam zhes gsungs pa na/ bla ma des kyang zhwa mo phud/ los shes/ nged kyi rtsa ba'i bla ma/ deng sang gangs ri'i khrod na 'gran zla dang bral ba yin no/ /rang re sa der 'byon bzhed par 'dug pa/ nged dpon slob kyis phyag phyi legs par byas nas gdan 'dren pa yin zhes zer bas shin tu mnyes par gyur to/ /de