[A:78]gang yang ma lus par mdzad/ phyag dpe rnams lha sa bar du skyel mkhan gcig khrid pa de yang phyir slogarang la ltos pa'i slob bu thams cad kyang 'os pa'i yongs 'dzin gzhan la legs par sbyar nas bya bral 'ba' zhig la thugs chas nas| gtsang la 'byon pa'i zla rogs dgug pa'i ched du chos 'khor lha sar bzhugs/ jo bo'i drung du phyag mchod dang bskor ba dang / bzhed pa mthar phyin pa'i gsol ba 'debs pa la brtson par mdzad do/ /de nas ring po ma lon pa na| shangs kyi tshums bde chen gyi gdan sa ba/ bla ma nam mkha' 'od zer zhes bya ba/ chos rje lo chen gyi drung du mi phyed pa'i dad pa legs par thob pa zhig yod pa de dpon slob sum cu tsam lha sa bskor du byon nas/ 'bog khres dang bcas te/ lha sa'i bar zam na tshur byung pa na/ rje 'di nyid kyis phyi skor mdzad kyin yod pas gzigs te/ 'di snyam du/ da ni kho bo don du gnyer ba'i lam grogs kyi 'gron po gdon mi za bar byung ngo snyam du dgongs nas rings par rings par byon te/ spyir 'dul ba nas dgon pa ba la sbyar ba'i bslab bya dang / mdo sde nas dge sbyong gi rgyan bcu bdun gsungs pa'i tha ma gya nom gyi spyod pa la ji ltar gsungs pa lta bu'i 'gron po glo bur ba la bzhin gyi mdangs gsal zhing khro gnyer med la 'dzum pa dang bcas pas bsu ba dang gtam bya bar gsungs pa dang mthun pa'i nyams len mdzad pa'i steng du/ bla ma don du gnyer ba'i dad pas kun nas blangs te/ dbu zhwa phud nas| drung pa rnams 'dir phebs sam gsung pa'i bkur bsti chen po mdzad/ gang nas byon pa la sogs pa'i gtam 'dri ba sogs shin tu gus par mdzad na'ang / khong rnam pa jo bo rin po che la