[A:81]rdzogs pa'i mthu dang / gdul bya'i smon lam gyi 'bras bu smin cing dad pa'i mthu phul du byung ba lhag par rgyas pa'i stobs kyis bde ba dang yid bde ba mchog tu rgyas pa ni/ dge slong bsam gtan dang po'i dngos gzhi dang por thob pa tsam 'phags pa mthong lam thob pa tsam du gyur te| 'on kyang shing rta la bdun srid du nam mkha' la 'phags pa'i tshul ma bstan pa tsam mo/ /de nas de ma thag tu sngar gsan sbyong dang thugs dam ji ltar mdzad da thugs bzhed kyi gtso bo gang yod ces pa la sogs pa'i bka' mchid rgyas par mdzad pa na/ sngon gyi lo rgyus rnams rgyas par zhus/ gtso bor bde bar gshegs pa'i gsung rab kyi snying po sems 'dul ba'i rim pa nyams len gyi gnad la sgril ba'i thos bsam yongs su rdzogs pa gcig zhu bar 'dod pas/ brtse ba chen pos rjes su bzung du gsol zhes zhus zhing / gzhan yang mjal ma thag nas sku skye snga ma rnams su dpon slob kyi 'brel ba yun ring du goms pa'i mthus| brtse sems can gyi pha dang yid du 'ong ba'i bu gnyis lo mang por yul gyi bskal ba'am/ shin tu byams pa'i mdza' bshes bral nas phan tshun 'ong ba dag bde bar 'phrad pa lta bu'am/ dngos su na/ sngon jo bo chen po dang ston pa rin po che mnga' ris stod du mjal ba bzhin du/ phan tshun du dga' ba'i spyan mi 'dzums par gzigs pa dang 'phrod cing phan pa'i gtam gyi dpon slob yud tsam yang mi 'bral ba lta bur gyur to/ /de nas rje thams cad mkhyen pa chen po'i gsung gis/ de ltar bde bar gshegs pa'i gsung rab kyi tshig don kun la thos bsam dang / de yang go yul ma lus pa'i nyams len la legs par 'gril ba'i thugs