[A:82]bzhed ni/ rgyal ba sras bcas kyi lan gcig ma yin par bsngags pa'i lhag bsam dang 'dun pa phul du byung ba yin pas shin tu ngo mtshar| nged kyi chos mang po gcig tshugs nas zhag gnyis gsum song na'ang / da lan la 'phro gang tshugs kyi mtshams nas gsan pas khyab/ de ring nyid nas legs par gson gsung | zhib kyal bzang pa zhig dang chu gdor la sogs pa gnang ste/ gdams pa dang rjes su bstan pa mtha' dag gis legs par bskyong bar zhal gyis bzhes so/ /
gsum pa la sbyangs pa'i yon tan dang brtson 'grus gtso bor gyur pa'i yon tan ni/ de las rgyal ba'i gsung rab rab 'byams kyi/ /tshig don mtha' dag dag par thugs chud cing / /tshul bzhin legs sgrub sgrub la skyo med par// legs sbyangs sbyangs pa'i yon tan brten la 'dud / /ces pa ste/ de'i tshe/ phar phyin dang / mngon pa gong 'og gnyis dang / mdo sde rgyan dang / spyod 'jug dang / dbu ma rtsa 'jug gnyis dang / rgyud bla ma rnams legs par gsung gi 'dug pa rnams mtha' dag gsan/ gzhung gsar du 'dzin dgos pa 'phral du bzung / gsung chos mtha' dag skyor brjod dang / dge ba'i bshes gnyen gzhan yang bzang la mang ba 'dug pa rnams dang lhan cig rgal brtag dang 'bel gtam la sogs pas dus mda''da' bar mdzad de/ dga' ba dang rangs pa dang spro ba dang dad pa dang gus pa gong nas gong du 'phel ba'i dbang gis nyin mtshan gyi bye brag mi phyed pa tsam du gus sbyor dang / rtag sbyor gyi brtson 'grus mdzad pas bla ma mnyes shing grogs tshangs pa mtshungs par spyod pa dag kyang shin tu ngo