[A:83]mtshar ba'i dad pa skyes te/ phan tshun gtam du gleng ba thams cad kyang rje 'di nyid kyi yon tan bsngags pa brjod pa nyid du lhur len par gyur to/ /de lta bu'i tshul gyis lo chen gyis chos 'khor bskor ba'i rtsa ba'i gnas stag tshang rdzong kha dang | chos bar mdzad pa'i gnas rdzong gsar bkra shis sgang dang / rta nag ri khud dang / 'o'u yug dang / shangs phu'i phub chung la sogs pa rnams gar 'byon du phyag phyir 'bral med du 'byon te/ phyag dpe'i khres po shin tu che ba re bsnams pa/ chos rje lo chen gyis gzigs nas/ bla ma nam 'od pa de tsam gyi gzigs rtog la ched gnyer mdzad pa shin tu 'or che/ dpe cha'i khres po che drag pas 'o rgyal bar 'dug dpe cha tshan cig nged kyi rta phang du thong gsung / bla ma'i bka' btsan pas tshan pa re phyag tu phul/ de phyag phyi ba gzhan gyis mthong ba na de dag gis thogs re khur/ 'on kyang de dag gis 'thab tu byung dogs nas| skabs re nas nga rang gis khres por brags nas 'khur te/ mtshan mor gar sleb kyi lam khar yang mar me re brtsol ba byas nas lta rtog byas/ chos gar gsung du yang / nyin mo nyan pas dus mda'/ lta rtog byed long mi yong bar 'dug pas/ mtshan mo mig dmar tshag song song gi bar du mar me la ltas/ de ltar lta ba dang nyan pa sbrags pas de dus kyi blo skyed tsam rgyun du yong na mkhas pa'i mkhas pa yong bar 'dug de'i tshe na so rgan du song bas gnyid kyang ye log mi dgos pa zhig yod ces zhal las dngos su thos so/ khyad par chos rje lo chen gyis rdzong gsar bkra shis sgang du chos mang du gsung pa gcig gi dus su| khams nas rje 'di nyid la gtad nas yongs pa'i grwa pa mang po la 'brum nad